Аср саодатини қаттиқ соғиндим узбекча шеър

Аср саодатини қаттиқ соғиндим
Аср саодатини қаттиқ соғиндим


Аллоҳдан устинроқ саналса мансаб
Кўнгиллар зулимга кетганда юмшаб
Усома Ибн Зайд Қўшинин қумсаб
Аср саодатини қаттиқ соғиндим.

Асрларни отиб тезликла қўпиб
Ҳақийқат аҳлини шод бўлгум топиб
Ибну Ҳузофанинг бошини ўпиб
Аср саодатини қаттиқ соғиндим.

Чўлоқ оёқ билан Жаннатни босган
Ибну жамуҳларни қўл ёниб ёзган
Қиёмотдан қўрқиб намозда озган
Аср саодатини қаттиқ соғиндим

Умарлар соғинган Абу Убайда
Айтинг энди айтинг дўстларим қайда
Гуноҳни демаган катта ё майда
Аср саодатини қаттиқ соғиндим .

Бугунги ҳолимни айладим ғорат
Йигит бошим билан йўқдир ҳарорат
Ҳафсанинг кўзида ёнган жасорат
Аср саодатини қаттиқ соғиндим .

Бугун фикр йўқдир фаққат иқтибос
Тафсирлар турфа хил баъзи райга мос
Ҳаммасини ром айлар ёш Ибну Аббос
Аср саодатини қаттиқ соғиндим.

Абу Дардоларни қувган бу дунё
Ибн Авф қалбини ювган бу дунё
Абу Зар остида юрган бу дунё
Аср саодатини қаттиқ соғиндим.

Ёшларни қалбини тутган қафаслар
Бугун чолларни ҳам эзар ҳаваслар
Юзга кириб ақли бутун Анаслар
Аср саодатини қаттиқ соғиндим.

Ҳаббоб елкасида қизарган темир
Бас етар бўл қил тоғларни емир
Эй кўнглим оби раҳматни симир
Аср саодатини қаттиқ соғиндим.

Ул куннинг ёниғ бир саҳифаси бор
Жанозадан қайтган Ҳалифаси бор
Сир билан кўмилган Хузайфаси бор
Аср саодатини қаттиқ соғиндим.

Бугун юрсак ҳамки дўстларни сизлаб
Мушкул онг қўямиз уни ёлғизлаб
Ибодат бобида Муъозни излаб
Аср саодатини қаттиқ соғиндим.

Соҳталик бўлмаган шу бугунчалик
Ёлғон саломларга ёлғондан алик
Ростликни ўргатсин Каъб Ибну Молик
Аср саодатини қаттиқ соғиндим.

Энг буюк зотларга қилсам ҳаваслар
Расулуллох суйган ўлик жасадлар
Жаннатий Фотима Бинти Асадлар
Аср саодатини қаттиқ соғиндим.

Сухайиб Румийни елкалаш учун
Қалбий риёларни тилкалаш учун
Саъднинг камонини бир силаш учун
Аср саодатини қаттиқ соғиндим.

Одамлар Малакдан фарқ қилмас пайтлар
Ҳассондан таралган илоҳий Байтлар
Тўртта ёнингизда Жаннатий Зайдлар
Аср саодатини қаттиқ соғиндим.

Бир боғнинг Жаннатий гул дарахти бор
Қиёмат келмасдан кўриш нақти бор
Талҳанинг боғида ухлаш бахти бор
Аср саодатини қаттиқ соғиндим .

Бугуннинг кунида бечора қолиб
Фахирланиш недур шажара солиб
Абу Аюб уйини ижара олиб
Аср саодатини қаттиқ соғиндим.

Ташкил этсам ҳамкий кўп сайилларни
Қайтаман тополмай бир ҳайирларни
Қайдан топайин бугун Зубайирлари
Аср саодатини қаттиқ соғиндим.

Маслаҳат бобинда дилга ҳам ҳонам
Завжидан ҳадислар сўзу кўзида нам
Онамга ҳам она Оиша Онам
Аср саодатини қаттиқ соғиндим.

Икрима бахтидан қарз олай дея
Ўтган умрим учун арз олай дея
Вахшийдан мардликни дарс олай дея
Аср саодатини қаттиқ соғиндим.

Илим бўстонида бўлмайин нобут
Изғисам бешикдан то манзил тобут
Қўлимдан ушласа Зайт Ибну Собит
Аср саодатини қаттиқ соғиндим.

Жавобини топган саволлар даври
Жаҳолат томоман заволлар даври
Абу Талха деган рижоллар даври
Аср саодатини қаттиқ соғиндим.

Чарчаган онимда шеър қофиядан
Асхоб ўртасида хилафиядан
Сўровим бор эди Муовиядан
Аср саодатини қаттиқ соғиндим.

Диллари шод гарчи қўллар қадоғда
Завжининг меҳрига диллар дудоғда
Зайнаб Бинту Жахишлар энди қаёқда
Аср саодатини қаттиқ соғиндим.

Ул давир тақдири юрмоқ пиёда
Ҳатто Амрлари устун ҳаёда
Қўрқмас болари мингдан зиёда
Аср саодатини қаттиқ соғиндим.

Алининг ҳикматли сўзларин тинглаб
Ўзимнинг кимлигим тополсам англаб
Илим дарвозасин остида хўнгираб
Аср саодатини қаттиқ соғиндим.

Қонига бўялган Қуръоним дея
Фитналарга қарши қўрғоним дея
Малаклар уялган Усмоним дея
Аср саодатини қаттиқ соғиндим.

Умарнинг нигоҳи кўнглимни ютар
Адолат боғида қўлимни тутар
Шайтонлари бошқа кўчадан ўтар
Аср саодатини қаттиқ соғиндим.

Абу Бакр бўлиб сувни тиндирган
Қалбига ғайибларни кулиб қўндирган
Имони тарозини босиб синдирган
Аср саодатини қаттиқ соғиндим.

Бёғига кўлимни қалтироқ босар
Росулуллоҳ сўзини қанақа ёзар
Бошқа замонларда йўқ ўрин босар
Аср саодатини қаттиқ соғиндим.

Тун чоғи уйқуга қовушган жони
Ёмғирдек ўтмиш тамон ёғилдим
Тарих китобини энг Нурли они
Аср саодатини қаттиқ соғиндим...

Пайғамбаримиз Соллаллоҳу ъалайҳи васалламга, У Зотнинг Аҳли байтларига ва Асҳобларига салом бўлсин...

Хайрли тун.

~~ Аллох сизга шундай БАХТ берсинки, ~~ Бахтлиман деганлар ХАВАС билан карашсин. 🌺 ~~ Аллох сизга шундай МУХАББАТ берсинки, ~~ Бу мухаббат киссаси обадий булсин. ~~ Аллох сизга шундай УМР берсинки, ~~ Уни хар дакикаси мазмунли отсин....

Хайрли тун жоним

Севгилим, бу окшом гузал хаёл сур, хаёл кемасида олиб кетай юр, Бахтнинг огушида юм кузларингни, хайрли тун жоним, ширин тушлар кур....

Келинчакка айтиб куйинг йигламасин

Армон оти орзулардан узиб кетти, Хижронлари ёр багрини тигламасин. Хаёллари хар томонга тузиб кетти, Келинчакка айтиб куйинг йигламасин......

Мен кетаман

Қанча шеърлар ёздим тўлиб тўкилиб, Ғам аламлар қопи кетди сўкилиб.  Гўзал орзуларим осмонга илиб, Мен кетаман, ҳуш қол севгилим......

Кунглим...

Дунёни дард ила кутарган кунглим, Азобни ранж ила кутарган кунглим. Куксимга тигкаби кадалган кунглим, Адашиб бировга аталган кунглим......

Негадур хаёллар булмайди хеч жам

Билсам бу дунёда факат мен эмас, Хамма уз дардила куп яшар экан. Базида сукутда, базан хайратда, Икки жуфт икки дуст ажрашар экан. Акл бор хиз-туйгу, кунгил хотиржам, Негадур хаёллар булмайди хеч жам....

Oзор берма...

Oзор берма калбимга озорлардан туйганман Кузимдаги бор ёшни йиглаб тукиб булганман Кучли булсанг шунчалар кулиб яшашни ургат Гам аламли хаётни сенсиз куриб булганман....

Кунглим ярим булса канийди мени

Кунглим ярим булса канийди мени, Хаттоки кунгли йук мендай факирни, Отам хам Онам хам кайда билмайман, Канийди тингласа менинг дардимни....

Ака - Ука урушмасин

Бир кориндан келиб дунёга Бир бирини туртишмасин Гийбат игво гапларни деб Ака - Ука урушмасин......

Бахор-у ёзларим утяпти бир-бир

Бахор-у ёзларим утяпти бир-бир. Бу киска дунёда кискадир умр. Хам савоб хам гунох тонганим шудир. Синовлардан омон ута олсайдим. Роббим хузурига Хурдек борсайдим....

Изохлар 2

  1. Офлайн
    Марям
    Марям 4 января 2024 09:31
    Жуддаям рельный шерлар
  2. Офлайн
    Sardor
    Sardor 22 января 2023 01:10
    Kim buni muallifi

Фикр қўшиш