Siz meni unutib qoʻydingiz

Qaylardasiz qay xayollarda
Sevgimdan ishqimdan toʻydingiz.
Yuragim sezyapti shu kunlar.
Siz meni unutib qoʻydingiz.

Bormikan oshiqning omoni
Gʻam sochar har yurgan tomoni.
Bilmaysiz baridan yomoni
Siz meni unutib qoʻydingiz

Men esa unutmay har damda.
Eslayman shodlikmi yo gʻamda.
Mehringizni etib siz kanda
Siz meni unutib qoʻydingiz

Yarım koʻnglim toʻlarmikina ?
Sizsizlikka koʻnarmikina?
Shunchalar ham boʻlarmikina ?
Siz meni unutib qoʻydingiz

Tugamas koʻzdagi namlarim
Qaydasiz ey baxtli damlarim
Bilmaysiz nedandur gʻamlarim
Siz meni unutib qoʻydingiz

Muhabbat har boshga savdomi
Sevganim aybmikin xatomi
Siz ham yo koʻp gulga shaydomi
Siz meni unutib qoʻydingiz...