Yaxshi koʻrib yuraverasiz

Ilk sevgiga yetolmasangiz,
Har dam hayol suraverasiz.
Yordan kechib ketolmasangiz,
Yaxshi koʻrib yuraverasiz...

Baxtdan sarmast soʻzlasa birov,
Indamay jim turaverasiz.
Sochingizga qoʻnsa ham qirov.
Yaxshi koʻrib yuraverasiz...

Uchrashganda begonalardek
Bir soʻz demay ketaverasiz.
Laylo misol devonalardek.
Yaxshi koʻrib yuraverasiz...

Orzulari oydan oydinim,
Yuragimda uraverasiz.
Bu yoʻlda xech tinim bilmay.
Yaxshi koʻrib yuraverasiz...!