Kaniza - Shaqillama

Sovuq tushdi koʻchaga shaqillama-ey,
Erkakmisan oʻzi san? Likillama-ey.
Xiyonatni oʻzingdan boshlamagin-ey,
Bir vujudda kelgansan, sodiq qolgin-ey!

Bugun senga aytaman, tinglab koʻrgin-ey,
Oxirigacha eshitmay, toʻxtat dema-ey.
Jahling boʻlsa, alaming raqsdan olgin-ey,
Bemazaga mazangni qoʻshib yurma-ey!

Jon, jonim, jonim-ey, jonga jonim-ey,
Qasdim oldim raqsimdan, tinch yashagin-ey.
Jon, jonim, jonim-ey, jonga jonim-ey,
Shu baxtingga aqlim bor, ovunaman-ey. (x2)

Gʻadir-budir gaplaring, chuqurmisan-ey,
Asfalt yotqizilmagan koʻchamisan-ey?
Diktofoning yoʻq boʻlsa, yozib olay-ey,
Bir oʻzingni tinglab koʻr, noqulaysan-ey.

Yor, yorim, yorim-ey, yorma yoring-ey,
Boʻlar-boʻlmas gaplardan rosa ezding-ey.
Yor, yorim, yorim-ey, yorma yorga-ey,
Begonaga boringni tashlab ketma-ey! (x2)

Quyosh chiqsa koʻchaga yechinvorma-ey,
Oʻz qadringni arzonga pullavorma-ey.
Sotmas boʻlgan narsani ochib yurma-ey,
Hayot kaltaklaganda shaqillama-ey!