Otabek Muhammadzohid - Shoshilma qizgina

Toʻlmasdan oʻn olti yoshingga,
Qalamlar tortildi qoshingga,
Savdolar orttirma boshingga,
Shoshilma qizgina, shoshilma. (x2)

Noziksan qizgʻaldoq-loladan,
Soʻragin mehribon onadan,
Farqing yoʻq hali yosh boladan,
Shoshilma qizgina, shoshilma. (x2)

(Shoshilma qizgina, shoshilma)

Ishq emas sen bilgan oʻyinchoq,
Qoʻlingda kelinmas qoʻgʻirchoq,
Hozircha top boshqa ovunchoq,
Shoshilma qizgina, shoshilma. (x2)

(Shoshilma qizgina, shoshilma)

Boʻyalmish top-toza yuzlaring,
Ranglardan koʻkarmish koʻzlaring,
Noz ila boʻyalmish soʻzlaring,
Shoshilma qizgina, shoshilma. (x2)

Ajinlar tushganda yuzingga,
Dunyo tor kelganda koʻzingga,
Boʻyoqlar toparsan oʻzingga,
Shoshilma qizgina, shoshilma. (x2)

Bir kuni boʻylashib boʻyingga,
Sovchilar keladi uyingga,
Koʻplashib boramiz toʻyingga,
Shoshilma qizgina, shoshilma. (x2)

Shoshilma qizgina, shoshilma,
Shoshilma qizgina.