Dineyra - Xiyonat

Koʻrmagan edingku koʻzing bilan,
Oʻldirdingku meni soʻzing bilan,
Aytgin menga, qaysi yuzing bilan
Bugun meni xiyonatda ayblading?
Sevgimizni asir qilgan afsus,
Bizning gullar koʻzyosh toʻkar maʼyus,
Ishon, lek seni sevaman xanuz,
Lekin meni xiyonatda ayblading.
Balki tun boʻyi yigʻlagan yomgʻir
Seni deb toʻkilgan koʻz yoshimdir,
Oyoq ostindagi mahzun xazon
Men qalbimni ochgan sirdoshimdir?
Balki bahorda muzlagan gullar –
Yuragimdagi baxtsiz muhabbat,
Qaydan bilasan, balki borliging
Meni yashash uchun undar faqat?
Faqat men qiynalaymi?
Faqat men qiynalaymi?
Sen ham tatib koʻrgin
Rashkning azoblarini. (x2)
Endi sevgimizga bahor qaytmas,
Binafshalar bizga sirin aytmas,
Yuragimni ezma, hozir paytmas,
Jonim, meni xiyonatda ayblading.
Menga oʻrgatgin yashashni sensiz,
Balki juda baxtlidirsan mensiz?
Ne boʻlsa ham qalbimda sen yolgʻiz,
Nega meni xiyonatda ayblading?
Balki tun boʻyi yigʻlagan yomgʻir
Seni deb toʻkilgan koʻz yoshimdir,
Oyoq ostindagi mahzun xazon
Men qalbimni ochgan sirdoshimdir?
Balki bahorda muzlagan gullar –
Yuragimdagi baxtsiz muhabbat,
Qaydan bilasan, balki borliging
Meni yashash uchun undar faqat?
Faqat men qiynalaymi?
Faqat men qiynalaymi?
Sen ham tatib koʻrgin
Rashkning azoblarini. (x4)