Baxtiyor Rahmonov - Raʼno

Oʻt solib ketdi yurakka ul goʻzal Raʼno kulib,
Ortiga boqdi ketarda menga ming maʼno kulib.
Necha kundir yoʻllarida intizordir koʻzlarim,
Yoki ul bechora koʻnglim qildimu shaydo kulib? (x2)
Raʼno, yoʻllarida intizordir koʻzlarim,
Raʼno, axtarurman hech topolmay izlarin.
Raʼno, qilmagin zor shoʻxligu bejo kulib,
Kela qol, jonginam, Raʼno, Raʼno.
Qilsa shaydo rozi erdim, rozi erdim men abad,
Sodda koʻngilga muhabbat soldi ul zebo gulin.
Axtarurman bog’-chamanni hech topolmay izlarin,
Gohida yigʻlab olurman, gohida tanho, kulib.
Raʼno, yoʻllarida intizordir koʻzlarim,
Raʼno, axtarurman hech topolmay izlarin.
Raʼno, qilmagin zor shoʻxligu bejo kulib,
Kela qol, jonginam, Raʼno, Raʼno, Raʼno.
Ishq bilan oʻynashmagin, hargiz sevar boʻlsang agar,
Deb edi kim, yoki yolgʻon aytdimi dono, gulim?
Necha kundir yoʻllarida intizordir koʻzlarim,
Yoki ul bechora koʻnglim qildi bu shaydo kulib?
Raʼno, yoʻllarida intizordir koʻzlarim,
Raʼno, axtarurman hech topolmay izlarin.
Raʼno, qilmagin zor shoʻxligu bejo kulib,
Kela qol, jonginam, Raʼno, Raʼno, Raʼno.