Ozodbek Nazarbekov feat. Iroda Iskandarova - Gapim

[Iroda Iskandarova]
Keng koʻchalar kezasiz,
Chang koʻchalar kezasiz,
Bizning koʻchadan oʻtmay,
Yurak bagʻrim ezasiz. (x2)
Aka, sizda gapim bor,
Dilni etmang muncha zor. (x2)
[Ozodbek Nazarbekov]
Boray desam, or deding,
Keting, yorim bor deding. (x2)
Menku har kun oʻtardim,
Koʻcham sizga tor deding.
Suluv, senda gapim bor,
Boʻlgin menga nozli yor. (x2)
[Iroda Iskandarova]
Oqshom aylab kunduzni,
Koʻkdan ilib yulduzni, (x2)
Qoʻydingiz chandiq etib,
Qulogʻin necha qizni.
Aka, sizda gapim bor,
Dilni etmang muncha zor. (x2)
[Ozodbek Nazarbekov]
Aytganim qoʻshiq edi,
Yolgʻonu yashiq edi,
Koʻngil esa aslida
Bir senga oshiq edi.
Suluv, senda gapim bor,
Boʻlgin menga nozli yor. (x2)
[Iroda Iskandarova]
Kelsangiz izim bilan,
Kutay bol soʻzim bilan.
Chang boʻlmasin deb koʻcham,
Suv sepay koʻzim bilan.
Aka, sizda gapim bor,
Dilni etmang muncha zor. (x2)
[Ozodbek Nazarbekov]
Qoʻlingni ushlab qoʻyay,
Dilingni xushlab qoʻyay, (x2)
Hechdan koʻra kech, jonim,
Qulogʻing tishlab qoʻyay.
[Iroda Iskandarova]
Aka, sizda ixtiyor,
Mayli boʻlay nozli yor.
[Ozodbek Nazarbekov]
Suluv, etma intizor,
Yorim boʻlgin vafodor.