Shohjahon Joʻraev - Arslon

O`o`-o`o`-o`… {x4}

Arslon naʼra tortsa, nafas ololmas bo`ri,
Arslon naʼra tortsa, qurir shoqolning sho`ri.
Egilsang tuproqman, kerilsang osmonman,
Tanib ol naʼramdan – men arslonman, ha,
Men arslonman!

Arslon naʼra tortsa, to`fon yolin tarar,
Xatar sezmas o`rmon, ummonlar ham yayrar.
Arslon naʼra tortsa, zir titraydi samo ham,
Shoqol-u tulkining poyi bo`lar nam.

Yo`limni to`sma, ey ko`ngli qora zot,
Nahot bo`ronning ham yo`lin to`ssalar?
So`ngra alam bilan ko`tarma faryod,
Qurgan kapachangni buzib ketsalar.

Arslon naʼra tortsa, makring o`tmas yolg`on,
Oshkor bo`lar haqiqat, kuning bitar yomon.
Men ham naʼra tortarman, tortmasman ammo atay,
Netay zotim arslon, naslim sher bo`lsa netay?

Arslon naʼra tortsa, nafas ololmas bo`ri,
Arslon naʼra tortsa, qurir shoqolning sho`ri.
Egilsang tuproqman, kerilsang osmonman,
Tanib ol naʼramdan – men arslonman, ha,
Men arslonman!