Шодон деманг лабим кулар дилим вайрон узбекча шеър

Шодон деманг лабим кулар дилим вайрон,
Амали кам жасадимдан хавотирман,
Жайрон каби жоним учун хушим ҳайрон,
Қабрдаги суҳбатимдан хавотирман.

Тиним билмай зулм қилар маккора нафс,
Оташ сари етаклайди ҳою ҳавас,
Савобларим гуноҳимга келгайми бас,
Кеча-кундуз ғафлатимдан хавотирман.

Умр шамдек ёниб-ёниб тугар охир,
Икки малак елкам узра мудом ҳозир,
Неки амал қилган бўлсам бари зоҳир,
Менга бўлар саволимдан хавотирман.

Фано ичра интиҳосин топса йўлим,
Шаҳодатни айтармикан саркаш тилим,
Борар жойим бўлармикан сокин сўлим,
Қабр томон жўнашимдан хавотирман...