Тушда хожат килса нима булади

Тушда хожат қилса нима бўлади-тушда ҳожатга чиққан киши қийинчиликлардан қутулади.  Бой-бадавлат киши бўлса, закот беради. Табиий эҳтиёж қондирилаётган жой ҳожатхонага ўхшаган жой бўлса, зарурати учун ишлатадиган нарсаси шаръий бўлишига ишорадир. Агар номаълум жой бўлса, пули беҳуда сарфланади. Бир ерда бўшаниб, устини тупроқ билан ёпганини кўрган киши дунёвий азоблардан халос бўлади, афвга эришади.

ҲОЖАТГА ЧИҚИШ
Тушида ҳожатга чиққанини кўрган киши азоблардан қутулиб, рўшнолик кўради. Ёки фарзанди ўқиб диншунос олим, қори бўлади. Ҳожатга чиққанини кўрган киши мусофир бўлади. Мусофир бўлса, юртига қайтади. Бемор бўлса, шифо топади. Ҳожатхона, қудуқ ёки номаълум бир жойга бўшанганини кўрган кишининг қўлига пул тушади.

Бирор жойда бўшаниб унинг устини ёпган киши бойлигини ўзгалардан яширади. Бирор кишининг баданига ёки кийимига тегса, гуноҳга ботади. Кийимига қон текканини кўрган кишининг қўлига ҳаром мол тушади. Ҳайвонларнинг бўшанаётганини кўрган кишининг қўлига пул тушади. Булғанган жойга ўтириш яхшиликка йўйилмайди.

ҒАМГИНЛИК
Ғамгинлик гуноҳ қилиш, деб таъбир қилинади. Баъзи таъбирчилар тушида хафа бўлган киши ўнгида қувонади, деб ҳисоблайди.

ҒОР

Тушда ғор кўриш инсоннинг ишонадиган кишисига ишорадир. Ғор кўриш янги лавозим ва азоблардан қутулишга ишора бўлади. Тушида ғор кўрган киши касал ёки тутқун бўлса, булардан қутулади. Тушда кўрилган ғор ваҳимадаги киши учун ҳузур ҳаловатдир.

ҒАМ

Бирор киши тушида ўзини ғамгин кўрса, хушхабар эшитади. Ҳаёти изга тушади. Баъзи таъбирчилар тушда ўзини қайғули кўрган киши катта гуноҳ қилган ва бунинг учун қаттиқ пушаймон бўлади, деб ҳисоблайди. Тушида ғамлари аригани, улардан қутилганини кўрган киши гуноҳлари учун тавба қилади.

Табир - башорат эмас, барча нарсани билгувчи ягона зот Аллоҳдир.