Benom guruhi - Befarq

Hali hamon koʻnolmas bu yuragim,
Nega birdan boʻlmay qoldi keragim?
Alam qiynar yanada-yanada,
Keraksizdekman goʻyo hayotingda,
Bir zumda boʻla olding begonaday.

Nega bunday-ay-ay, nega senday-ay-ay
Hech kim boʻlolmaydi, oson kecholmaydi.
Aytgin qanday-ay-ay, nega shunday-ay-ay,
Sevib qalb yigʻlaydi, sevmaganda qaniydi,
Senday befarq boʻlardi.

Befarqsan negadir, yigʻlayapsan,
Nahot, shunday ajralib ketaveramiz?
Men hamon anglolmadim, bizga nima boʻldi oʻzi?

Nahot, hamon qiynalmas bu yuraging?
Takror aytarding – menku yarim boʻlaging.
Sogʻinch qiynar yanada-yanada,
Halovat yoʻq sensiz bu tanamda,
Qanday yashamoqdasan begonaday?

Vaqt, soat millari, oʻtganday oradan yillar,
Befarqasan hali hamon jim, bilmadim kim chalgʻitdi?
Balkim sovib qolding, sabab nima?
Javobsiz savollar yana, ayt qanday eplay olasan?
Damba dam aldayverasan.

Sevaverasan, ketaverasan,
Hech nima boʻlmaganidek barchasin unutaverasan.
Ha sen shundayin befarq, koʻz oʻngimizda sevgi gʻarq,
Choʻkmoqda kuzatmoqdasan, unutma, qaytmas ortga vaqt!

Nega bunday-ay-ay, nega senday-ay-ay
Hech kim boʻlolmaydi, oson kecholmaydi.
Aytgin qanday-ay-ay, nega shunday-ay-ay,
Sevib qalb yigʻlaydi, sevmaganda qaniydi,
Senday befarq boʻlardi.