Jasmin - Vafodorim

Hayotimga baxt hadya etgan oʻzingiz,
Dardimga davo boʻlar sizning shirin soʻzingiz.
Lek oʻzgalarga boqmasin aslo koʻzingiz,
Vafodorim mani, vafodorim.

Keling, bir sizga sirdosh, yondosh boʻloyin,
Har kecha yoningizda giryon jon boʻloyin.
Jonim deya sevib, sevib kutib oloyin,
Vafodorim mani, vafodorim.

Vafodorim mani, vafodorim mani,
Hech kimga bermayman, yor mehribonim mani.
Vafodorim mani, vafoligim mani-mani,
Bu hayotda topganim, yoʻgʻu-borim mani.

Chorlasam keling deyman, intizor aylamang,
Kutaman mushtoq boʻlib, kelingda zor aylamang.
Bu jajji yuragimga koʻp ozor aylamang,
Vafodorim mani, vafodorim.

Siz mening borligʻim, dardlarimning darmoni,
Bagʻishlay siz uchun hayotimning har oni.
Yonimda boʻlsangiz, qolmas dil armoni,
Vafodorim mani, vafodorim.

Vafodorim mani, vafodorim mani,
Hech kimga bermayman, yor mehribonim mani.
Vafodorim mani, vafoligim mani-mani,
Bu hayotda topganim, yoʻgʻu-borim mani. (x1+x1)