Azim Mullaxonov - Bu dutor

Bu dutor oʻzgarmagan, ammo sadosi oʻzgacha, {x2}
Gʻuncha gul ochilmagan husni, jilosi oʻzgacha. {x2}

Bilmadim, yor koʻnglida ne muddaosi bor ekan? {x2}
Orttirar hasratlarim, nozu-firoqi oʻzgacha. {x2}

Kimgadir hasratlarim bir ahdu-farmon boʻlmasa,
Dardini ochgan bilan dardimga darmon boʻlmasa.

Jon, jon fido qildim netay, ishqingda har kun sargʻayib,
Oqibat bilsam, uning ahdu-vafosi oʻzgacha. {x2}

Bu dutor oʻzgarmagan, ammo sadosi oʻzgacha,
Gʻuncha gul ochilmagan husnu, jilosi oʻzgacha. {x2}