Ahror Poʻlatov - Allohga soldim

Mansab uchun poyni koʻzga surmayman,
Meni sotganlarni odam bilmayman.
Kuchi yoʻq, ojizdek gʻiybat qilmayman,
Allohga soldim, Allohga soldim.

Sizlardek osmonga sapchiganim yoʻq,
Koʻzim ham, koʻnglim ham, vijdonim ham toʻq.
Men ozroq egildim, lek singanim yoʻq,
Allohga soldim, Allohga soldim.

Ishonchimga kirib aldaganlar has,
Nomarddan ham nomard, pastlardan ham past.
Allohdan qoʻrqaman, bandasidanmas,
Allohga soldim, Allohga soldim.

Dilimda iymondir, koʻnglimda kaʼba,
Alloh kechirimli – qilinglar tavba.
Dushmanlarga kulgum beryabdi zarba,
Allohga soldim, Allohga soldim.

Mardman deb kerilma, vijdonli boʻlchi,
Hayotda mardlarcha bir yashab koʻrchi.
Odamni ajratmas banda odamdan,
Yaralgansan asli nasling tuproqdan. (x2)

Qilayotgan ishlarim Alloh bilsa bas,
Qadamlarim oʻlchash bandasigamas.
Yurmayman hech kimga boʻlib qasdma-qasd,
Allohga soldim, Allohga soldim.

Yoʻqlikda ostonam urib kelganlar,
Mendan panoh izlab, koʻnglim olganlar,
Bugun odam boʻlib, soʻng tupurganlar,
Allohga soldim, Allohga soldim.

Bugun qaddim baland, omadlar qurshab,
Mana davrim keldi, ming shukur, yo Rab.
Men gʻiybat qilmayman sizlarga oʻxshab,
Allohga soldim, Allohga soldim.

Dilimda iymondir, koʻnglimda kaʼba,
Alloh kechirimli – qilinglar tavba.
Dushmanlarga kulgum beryabdi zarba,
Allohga soldim, Allohga soldim.

Mardman deb kerilma, vijdonli boʻlchi,
Hayotda mardlarcha bir yashab koʻrchi.
Odamni ajratmas banda odamdan,
Yaralgansan asli nasling tuproqdan. (x4)