Komiljon Otaniyozov - Mehribonim

Gunohli bandaman, vaqti takallumda zabonim yoʻq,
Seni lutfingga qochtim, sandin oʻzga mehribonim yoʻq. (x2)

Eshitdim, aydi Paygʻambar: tazarrulik kerak ummat, {x2}
Amaldin, ilmdin bebahra qoldim, soyabonim yoʻq. {x2}

Namoz-u roʻzani bu yoʻlda gʻaflat birla oʻtkardim,
Nechuk emin boʻlurman, dil aro hargiz gumonim yoʻq. (x2)

Eshitdim fazlidin “Lotaqnatu min Rahmatulloh”ni, {x2}
Sani vaʼdangga jon bersam, maning hech armonim yoʻq. {x2}

Iloho, vaqti rihlat sodiqul-qalblar qatori qil,
Bir oting Lamyazaldur, sandin oʻzga mehribonim yoʻq.

Nasimi qatrai lutfing nurga yetkurdi xunsoni,
Talabda avvalu-oxir saningdek rozdonim yoʻq.

Agarchi bandaman, vohidligingga borman iqror,
Hamani shohi sansan, oʻzga bir shohi jahonim yoʻq.

Hamani kishtigʻa yetkur karamdin Mabdayi nuring, {x2}
Dedi Mashrab, bu yoʻlda bundan ortiq dostonim yoʻq. {x2}