Хоналар учун парда танлашдаги кичик қоидалар
Ётоқхона, ошхона, меҳмонхонадаги пардалар услубини ўзгартириш ҳақида тез-тез ўйлаб қоласизми? Бу барчамиз учун интерернинг оддийгина бир буюми, аммо айнан у уйингиз дизайнини ўзгартириб юбориши мумкин. Пардалар салонига йўл олишдан аввал маслаҳатларимиз билан танишиб чиқинг.
Ҳар бир хона учун алоҳида парда танланиши зарур. Кўпчилик услуб ва ранглар гаммасини ҳисобга олмасдан, барча хоналар учунбир хил пардалар сотиб олади. Бу жуда катта хато!
Парда интерернинг муҳим таркибларидан бири ҳисобланади. Уларнинг вазифаси хонани фақатгина қуёш нурлари ва елвизакдан ҳимоялаш эмас, у уйда қулай муҳит ҳосил қилиши керак. Пардалар танловида ранг ва безаклар катта аҳамиятга эга. Кўк ва мовий ранг салқин, оч жигарранг, сариқ ва қизил ранглар эса илиқлик ҳиссини беради. Пардадаги кўнгдаланг чизиқлар хонани каттароқ, узунасига тушган чизиқлар эса баландроқ кўрсатади. Гулдор пардалар сизни зериктириб, ёқимсиз ҳиссиётни уйғотиши мумкин. Энг яхшиси- пардаларни мебел қопламасига мутаносиб тарзда танлашдир.
Деразалар учун парда танлаш чоғида бир неча мураккаб бўлмаган ҳолатларни билиб олсангиз, парда бино услуби билан чиройли тарзда уйғунлашади.
Ёрқин безакларга эга пардалар ёз фаслида уйингизга янада кўпроқ гўзаллик ва кўркамлик бахш этади. Унутманг, қуёшли хавода мато куйиб кетади, шунинг учун бу мавсумда жуда қиммат пардадан фойдаланманг. Қиш вақтида илиқ колоритдаги пардаларни осиш мақсадга мувофиқ.
Пардалар хонанинг дизайнига мос келиши лозим. Парданинг кенглиги дераза кенглигидан 3 баробар каттароқ бўлиши даркор. Аммо парда кенглигини жуда ошириб юборманг, бундай ҳолатда карниз пардани тутиб тура олмаслиги мумкин. Мато танлашда аввало унинг ўзига ҳослиги ва қимматлигига эмас, ихчамлигига эътибор қаратинг.
Ётоқхона шахсий бўлгани ва у ерга бегоналар кирмагани туфайли пардани аввало ўзингиз учун танлашингиз лозим. Бу хона учун оч жигарранг, шафтолиранг, тилларанглар мос келади. Ўта ёрқин ранглар ўзига эътибор тортиб, тинч уҳлашган ҳалал беради.
Ётоқхона деразаларига, айниқса улар шарқ томонга қараган бўлса, ёруғлик тушмаслиги учун қалин парда танлаш зарур. Аммо уларни иложи борича бахмал матодан танламанг, йўқса чанг тўпланиб қолади. Пардалар хона деворларига мос тушиши ва химоялаши керак.