Куч-қувват бағишлашга қодир 14та фойдали маҳсулот

Бизнинг куч қудратимиз еган таомларимизга бевосита боғлиқ. Танлаган махсулотларимиз бгаъзан бизнинг қувватимизни оширса, баъзан туширади. Қуйида умумий ҳолатимиз ва соғлиғимизни ҳимоя қилувчи куч-қувватга бой маҳсулотлар рўйҳати келтирилган.

1. Олма
“Бир кунда 1та олма- шунда сизга доктор керак бўлмайди” деган олтин нақлни ҳаммамиз биламиз ва ҳақиқатдан ҳам шундай. Олмада витамин ва минераллар кўп бўлиб, у яна кучли антиоксидантлар- флавоноид ва полифенолга жуда бой. Уни ҳар куни эрталаб турганингизда тановул қилишга ҳаракат қилинг.
2. Банан
Бананлар- калийга бой энг яхши маҳсулот бўлиб, қон босимини меъёрлаштиришга ва юрак фаолиятини яхшилашга ёрдам беради. Бананлар пўст билан қоплангани учун уни бемалол сумкага солиб юришингиз мумкин. Бундай енгил овқатлар, шубҳасиз, тушлик вақтигача сизнинг куч-қувватингизни оширади.
3. Қизил булғор қалампири
Ширин булғор қалампири тери гўзаллиги учун керакли бўлган антиоксидант витаминлар А ва Cга жуда бой. Жумладан, қизил булғор қалампири таркибида ликопен бўлиб, у саратоннинг олдини олишга ҳизмат қилади. Агар сиз тўқ юришни истасангиз, қизил булғор қалампири  ёрдам беради.

4. Табиий қора шоколад
Агар сиз ширинликка ўч бўлсангиз, табиий қора шоколад сизни тўла куч билан таъминлайди. Таркибида тозаланган крахмал ва куч-қувват учун керакли витаминларни емирувчи десертли газакдан яхшироқ. Сутлисини ейишни тавсия қилмаймиз, айнан табиий қора шоколад кучли антиоксидантларга бой. Аммо унинг таркибида шакар мавжуд, шунинг учун 1 кунда 1-2 унция (тахминан 57грамм) истеъмол қилиш билан чекланинг.
5. Қовоқ уруғлари
Бу уруғ минераллар, магний, темир, кальций, C витамини ва оқсилнинг кони. Ишонтириб айтиш мумкинки, қовоқ уруғлари енгил овқат ўрнини бемалол қондиради, ишлаш қобилиятини оширади.
6. Сабзи
Сабзи таркибида бириктирувчи тўқималар кўп бўлиб, кўриш учун фойдали бўлган бета-каротин шаклидаги А витаминига бой. Бундан ташқари, сабзи- бошқа кўп маҳсулотлар билан “чиқишиб кетади”, уни кун давомида енгил овқат сифатида истеъмол қилса бўлади.
7. Лимон суви
Бу жуда оддий кўриниши мумкин, аммо лимон сувини (совуқ ёки қайноқ) оз-оздан ҳўплаб ичиш усули сизни куч билан таъминлайди.Суюқлик чарчоқни тарқатиши учун уни томоқда бироз ушлаб ичинг. Лимон витамин ва ферментларга қўшимча заряд беради.
8. Сули ёрмаси
Сулида соғлиқ учун керакли бўлган уғлеводлар жуда кўп. Эрталабки нонуштага сули бўтқа енг, 25 дақиқа ўтгандан кейин эса бирорта мева истеъмол қилинг.
9. Тарвуз
Тарвуз, айниқса ёзда енгил овқат учун ажойиб танлов. Унинг таркибида ликопен мавжуд бўлиб, у саратон касаллигининг олдини олишда ёрдам беради. Тарвузни оч ошқозонга ейиш катта фойда келтиради. У ҳудди бошқа ёғсиз мевалар каби тез ҳазм бўлади ва яхши сўрилади. Ҳазм бўлиши қийин овқатлардан кейин истеъмол қилиш тавсия этилади.
10. Ананас
Ананас енгил ўзлаштирилиб, унинг таркибида ҳазм қилишга ёрдам берувчи ва тозалаш ҳусусиятига эга бромелайн ферменти мавжуд. Шундай бўлса-да, ананасни оч қоринга тановул қилиш зарурлигини унутманг ва уни бошқа маҳсулотлар билан аралаштирманг.
11. Қуритилган анжир
Ажабланарлиси шундаки, қуритилган анжир қонни яхши тозалайди, шилимшиқ ва захарларни организмдан чиқариб юборишга ёрдам беради. Танлаётганингизда унга шакар ва бошқа қўшимчалар қўшилмаганига эътибор қаратинг. Анжир таркибида етарли даражада шакар бор, шунинг учун бир нечта донаси билан чекланинг.
12. Қулупнай
Қулупнай- толаларга бой, C витаминининг кони, биотин (тери, соч, тирноқлар учун фойдали) ва фолий кислотаси, антиоксидантларга тўла маҳсулотдир.
13. Бодринг
Бодринг минералларга бой энг яхши сабзавот. Бу мазали, сувли ва озуқавий енгил полиз экини барчага бирдек ёқади.
14. Тузланган карам
Тузланган карам- пробиотикларга бой.  Кун давомида куч қувват билан таъминлашда иштирок этувчи Б витамини ушбу пробиотиклар таркибида мавжуд.