Қизил рангли лаб бўёғи кимларга ярашади?

Одатда қизил тусли лаб бўёғини бачканалик дея ҳисоблашади. Аммо бу фикрни ҳато эканлигини ҳатто жаҳон тенденциялари тасдиқлайди. Бу атрофдагилар эътиборини жалб қилувчи ранг, шу боис бундай ёрқин рангли лаб бўёғи билан нимани мослаб кийиш, нимани эса кийиш мумкин эмаслигини билиб олиш лозим.

Қизил лаб бўёғининг турли тусларидан бирини танлаб олиш керак. Ранг тери туридан келиб чиқади. Оддий қоидаларга амал қилинг: терингиз қанчалик қорача рангда бўлса, ўзингизга шунчалик тўйинтирилган ва тўқ лаб бўёғини танлашингиз мумкин. Агар терингиз ранги очроқ бўлса, совуқ рангли лаб бўёқларидан танлаш ҳақида ўйлаш лозим: клюква рангли, қизил ёқут рангли, лавлаги тусли, тўқ қизил рангли. Терисида иссиқ пигментлар мавжуд бўган қизларга эса томат рангли, қип-қизил тусдагилари мос келади.

Қиёфа учун аксессуар ва либос танлаш ҳақида ҳам ўйлаш лозим. Қизил лаб бўёғи рақобатни ёқтирмайди, буни доимо ёдда сақланг. Агар қиёфангизда учтадан ортиқ ранг учраса, яхшиси лаб бўёғини нейтралроқ, масалан оч жигаррангга алмаштирганингиз маъқул. Қизил лаб бўёғи cасуал услубидаги либослар билан идеал даражада мос келади. Агар дресс-код имкон берса, ялтирамайдиган қизил лаб бўёғи идоравий костюмлар билан аъло даражада уйғунлашади. Масалан, оқ ёки кулранг идоравий костюмга ёрқин ранг билан урғу берилса, бу қиёфага ўзига ҳослик ва жиддийлик бағишлайди. Қизил ранг билан жигаррангнинг ҳам уйғунлашуви ёмон вариант эмас. Фақат ишга мос қиёфани аксессуарлар билан тўлдириб юборманг, лабдаги битта урғунинг ўзи иш жойида сезиларли кўринишда бўлиш учун етарлидир.
Юқорида таъкидланганидек қизил лаб бўёғи қиёфанинг асосий жиҳатидир. Шунинг учун макиаж қилинаётганда, киприкларнинг учларини бўяш ва бироз ранг беришнинг ўзи етарли. Агар ҳийла ишлатган ҳолда, қора туш эмас балки жигарранг тушдан фойдалансангиз, қиёфа янада табиийроқ чиқади ва қиёфадаги асосий рўлни лаб бўёқ ўйнайди. Оқшом пардози учун ҳам ушбу қоида қўлланилади,аммо бунда чизиқлар чизиб, қош чегараларини янада анироқ қилиб бўяш мумкин. Кўзга бериладиган урғунинг камлигидан қўрқишга ҳоижат йўқ: ишонаверинг қизил лаб бўёғили қиз исталган кечада сезилмай қолиши имконсиздир.