Қуёш ҳақида сара шеърлар тўплами узбекча шеър

Қуёш ҳақида сара шеърлар тўплами
Қуёш ҳақида сара шеърлар тўплами


ҚУЙОШЖОН — Одил Абдураҳмон

Ён, қуёшжон,
Жон қуёшжон,
Отди оппоқ
Тонг қуёшжон.

Дон-дунимга
Ҳосил тилаб,
Бошларини
Қўйгин силаб…

Юртимизга
Нур сочавер,
Халқимизга
Бахт очавер.


ЯШАСИН ОФТОБ — Нуруллоҳ Остон

Чақинлар тинди,
Гиёҳлар унди.
Ёғдуга чўмди –
Яшасин офтоб!

Шудрингда акси,
Япроқда рақси,
Файзлидир баҳси –
Яшасин офтоб!

Қўрқмаймиз тундан,
Яйраймиз кундан.
Тириклик шундан –

Яшасин офтоб!


ҚУЙОШ — Ҳалима Аҳмедова

Шунчалар чаққонсан, шунча озода,
Сендан покланади ҳатто тоғ-у тош.
Энг кичик майсадан дарахтларгача
Ғуборин ювасан эринмай қуёш.

Япроқларнинг нафис табассумида
Жилва этар сенинг нурли афсонанг.
Яратган нафаси уфурган жойдан
Асли бунёдмикан ёки кошонанг?..


ЙОЗ БИЛАН ҚУЙОШ — Маҳмуд ТЎЙЧИЕВ

Қуёш ёз билан ўртоқ,
Ажралгиси келмайди.
Кеч кириб қолганда ҳам
Уйи томон елмайди.

Дўстларнинг суҳбатига
Ошиққандай жўралар,
“Салом!” – дея Қуёшжон
Тонг-саҳардан мўралар.

Шу дўстликнинг меҳридан
Баҳра оламиз барча.
Болалар-у катталар,
Ер, осмон, яна қанча.

Гап кўп экан, билсангиз,
Иноқлик, аҳилликда.
Барака ҳам шу ерда,
Беминнат сахийликда.

Шундай тўкинлик, тўқлик,
Шундан чор атроф кўркам.
Кундан-кун яшнаб борар,
Менинг жонажон ўлкам.

Дунё шундай ғаройиб,
Сирга тўла табиат.
Жаннатмонанд юртимда
Ҳаёт гўзал то абад!

 

ҚУЙОШ БИЗГА ЎХШАРКАН — Умида АБДУАЗИМОВА

Бизга ўхшар ёзда қарай олмасдим, қуёшга.
Тик қарасам тўларди кўз ёшга.
Қишда бошқача бўлиб қолибди,
Булутларга ўралиб олибди.

Иссиқ кийимлар кийиб юрибман.
Қуёшга тик қараб турибман.
Ёқимли хаёлларга берилдим.
Қуёш бизга ўхшаркан, деб билдим.


ҚУЙОШ МEҲРИ — Рустамбек Туропов,

Мусаввирдек чизар ҳар кун
Дов-дарахтлар андозасин.
Зар қаламда ифодалар
Бош кўтарган ҳар новдасин.

Қуёш нурин тенг сочади,
Гул заминга бериб меҳрин.
Шабнамларга жило қўшар,
Ишга солиб борки сеҳрин.

У ҳар сафар нур элайди,
Майсалари тушар терга.
Маъюс, ҳорғин хайрлашар,
Манглайини босиб ерга.

То кечгача қилиб меҳнат,
Қизаради сариқ юзи.
Яхшилигин миннат этмас,
У осмоннинг олтин қизи.

Йуклигимни хадя этаман

Бу дунёда борлигим агар Келиб колса бировга малол, Хаётида колиб нетаман! Юрагимдан сугуриб дархол, Йуклигимни хадя этаман!......

Ватан ҳақида сара шеърлар тўплами

Агар дўстлар эрур содиқ бир-бирин қийратиб бўлмас, Агар қилғил неча фитна аларни айратиб бўлмас. Демишлар: мору қушни бир қафасда асратиб бўлмас, Ватандан айри кўнгилни билингки, яйратиб бўлмас. Баайни банди булбулни чамансиз сайратиб бўлмас......

Негадур хаёллар булмайди хеч жам

Билсам бу дунёда факат мен эмас, Хамма уз дардила куп яшар экан. Базида сукутда, базан хайратда, Икки жуфт икки дуст ажрашар экан. Акл бор хиз-туйгу, кунгил хотиржам, Негадур хаёллар булмайди хеч жам....

Аллох бизни асрасин

Яхши, ёмон кунларда, Зим-зимистон тунларда, Хар доим ва хар ерда, Аллох бизни асрасин....

Омон булинг юрагимга Якинларим

Бу дунёда менга Жондан азизларим, Оллохимга умри Азиз лазизларим, Сизга битай губори йук Дил сузларим, Омон булинг юрагимга Якинларим......

Сув булмаса гулга кийин экан

Сув булмаса гулга кийин экан! Oй булмаса тунга кийин экан! Бу ёлгон хаётда, Мен булмасам кимга кийин экан?!...

Дунё Ишларингни Хотиржам Курдим

Дунё Ишларингни Хотиржам Курдим Баъзилар кузида Кайгу Гам курдим "Ман Бахтилиман" дегани Бекор Айтибди Армони Йукларни Жуда кам Курдим....

Аёл бор дунёда

Аёл бор дунёда бахт бор икбол бор, Аёл бор дунёда ширин хаёл бор. Аёл бор дунёда ишк бор висол бор, Аёл бор дунёда сохибжамол бор......

Хар кимнинг хаёти хар хил утади

Хар кимнинг хаёти хар хил утади Инсон узидан утганин узи билади Ночорлар устидан асло кулманггиз Бу кайтар дунёдир хамма куради....

Сукунат ҳеч бўлмаганда

Сукунат... ҳеч бўлмаганда, Ўз қалбимни тинглашни ўргатди. Тартибга солишни хаёлларимни, Жавобсиз қўймасликка саволларимни. Ўзимни англашга... аҳволларимни......

Изохлар 2

  1. Офлайн
    пубг
    пубг 2 февраля 2022 15:50
    ти брат тупой
  2. Офлайн
    Ogʻabek
    Ogʻabek 17 декабря 2021 21:00
    Yaxshi zoʻr

Фикр қўшиш