Bahorimni qaytaring

Xazonlarga koʻmdingiz yoʻlim,
Mehrsizim, jonga ozorim.
Mayli dunyo kerakmas yorim,
Bahorimni qaytaring menga.

Dilga yetmas oh-u nolalar,
Koʻzda tinmas achchiq jolalar.
Holim bilmas qizil lolalar,
Bahorimni qaytaring menga.

Diydor soʻrab kunim botadi,
Orom tilab tongim otadi.
Zavol topgan sevgim kutadi,
Bahorimni qaytaring menga.

Mayli boʻlsin hasratli, dogʻli,
Lolagulli, balandboʻy togʻli.
Oʻsha nafis iforli, bogʻli,
Bahorimni qaytaring menga.