Umr esa oʻtib bormoqda...

Goxo gʻamgin goxida xurram,
Dunyo qoʻshiq aytib bormoqda.
Qayda bayram qaydadir motam,
Umr esa oʻtib bormoqda.

Kimlar qoqar savob eshigin,
Kim gunoxga botib bormoqda.
Berilmagan jonimiz tekin,
Umr esa oʻtib bormoqda.

Qancha kunlar botib ketilgan,
Qancha tonglar otib bormokda.
Xech kimsani koʻnglin ololmay,
Umr esa oʻtib bormoqda.

Doʻsti uchun kim yutar zahar,
Kim sirdoshin sotib bormoqda.
Bizdan faqat yahshi nom qolar,
Umr esa utib bormoqda.

Kimlar zarga burkanib olgan,
Kim bahtini kutib bormoqda.
Kim boridan ayrilib qolgan,
Umr esa oʻtib bormoqda.

Kim roxatda yashar be armon,
Kim dardini yutib bormoqda.
Kim bog'-rogʻlar qilar parvarish,
Kim unga tosh otib bormoqda.

Vaqt ketadi, ketmaydi tashvish,
Umr esa oʻtib bormoqda.
Izlariga qaramay zinxor,
Umr esa oʻtib bormoqda!

Xar kim bilar oʻzdan oʻtganin,
Umr yoʻli tugab bormoqda.