ИЗЛАМАНГ МЕНИ 💔 севги хакида шер

ИЗЛАМАНГ МЕНИ 💔

ИЗЛАМАНГ МЕНИ 💔

Қайларда қолдинг деб изламанг мени,
Интизор кўзингиз ирмоғидаман.
Йўқ, йўқ, мени деб довондан ошган,
Чашми изтиробнинг қирғоғидаман.

Вафодан яралган бевафогинам,
Мен энди фироқнинг ишқ тўридаман.
Кетяпман, сиздан йўқ ҳеч қандай гинам,
Чунки мен покиза қалб тўридаман.

Сиз мени изламанг, кўкдаги ойдан,
Мен ойдан узоққа учиб кетганман.
Фақат сиздан қочиб бевафогинам,
Қуёшнинг бағрига кўчиб ўтганман.

Келмангиз ёнимга кўнгил сўргани
Мен сизга дилимни бериб кетганман,
Сиздан яшириб бу юрагингизни,
Ўзим билан олиб, кўкка етганман.

Қайларда қолдинг деб изламанг мени,
Мен маъюс чеҳрангиз нигоҳидаман,
Йўқ, йўқ, мени излаб самога боққан,
Ҳар тола киприкнинг даргоҳидаман.

Фикр қўшиш