БУНИ БАРЧА БИЛИШИ ЛОЗИМ

БУНИ БАРЧА БИЛИШИ ЛОЗИМ

Аллоҳ таоло айтади:

“Мен жинлар ва инсонларни фақат Ўзимга ибодат 
қилишлари учунгина 
яратдим”
 (Зориёт, 56-оят).

Имом Қуртубийнинг тафсирида айтилишича, бу буйруқ Аллоҳ таолонинг азалий илмига кўра, Ўзига ибодат қилиши маълум бўлган бандаларга тегишлидир. Буйруқ умумий лафзда келгани билан маъноси хусусийдир. Буйруқнинг маъноси бундай: “Мен жин ва инсонлардан бахтиёрларини фақатгина Мени ягона билсинлар, дея яратдим”.
Жинларнинг олдин зикр қилинишига сабаб уларнинг олдин яратилганлигидир.

Ҳазрат Али розияллоҳу анҳу ушбу оятни бундай тафсир қилганлар: “Мен жинларни ҳам, инсонларни ҳам фақатгина уларни ибодатга буюришим учун яратдим”.
Икрима оятни бундай шарҳлайди: “Мен жин ва инсонларни фақатгина Менга ибодат қилишлари ва итоат этишлари учун яратдим. Ибодат қилганларни мукофотлайман, инкор этганларни эса жазолайман”.
Манбалар асосида тайёрланди.