Ortiq Otajonov - Umr oʻtar

Umr oʻtar, vaqt oʻtar,
Xonlar oʻtar, taxt oʻtar, (x2)
Omad oʻtar, baxt oʻtar,
Lekin hech qachon chiqmas yodimdan
Sening yurishlaring, sening kulishlaring,
Seni kulishlaring. (x2)

Bahorda bogʻlar goʻzal,
Qor yogʻsa togʻlar goʻzal, (x2)
Bu yoshlik chogʻlar goʻzal,
Lekin hech qachon chiqmas yodimdan
Soʻzsiz qarashlaring, holim soʻrashlaring,
Holim soʻrashlaring (x2)

Oy chiqar goh zaholi,
Doʻstlar koʻpdir vafoli, (x2)
Hayot shundan safoli,
Lekin hech qachon chiqmas yodimdan
Sekin soʻzlashlaring, pinhon izlashlaring,
Pinhon izlashlaring. (x2)

Umr – yoʻl, qayrilish koʻp,
Uchrashish, ayrilish koʻp, (x2)
Unutish, aytilish koʻp,
Lekin hech qachon chiqmas yodimdan
Oʻsha kulishlaring, oʻsha kelishlaring,
Holim soʻrashlaring. (x2)

Seni yurishlaring, seni yurishlaring…