Sevara Nazarkhan - Kunlarim sensiz

Kunlarim sensiz-u, tunlaring mensiz,
Yana qancha umr oldinda kutar?
Sevgi bisotida bebaho, tengsiz,
Bir lahzalik visol bizni ovutar.
Yulduz misol yondik, oy kabi toʻldik,
Toʻle tilab zor-zor qoldi bu qoʻllar.
Biz bitta yurakka aylanib boʻldik,
Ikkiga ajralmay tursaydi yoʻllar.
Umr shirin qoʻrquv, kechmas behadik,
Sogʻinch sovgʻa boʻldi taqdirimizga.
Bizlar birga boʻlish uchun sevmadik –
Shunchaki yoqqandik bir-birimizga.
Ammo gʻam chekmoqlik bobida tengsiz
Bu yurak sogʻinchni kaftida tutar.
Kunlarim sensiz-u, tunlaring mensiz,
Yana shuncha umr oldinda kutar.
Yulduz misol yondik, oy kabi toʻldik,
Tole tilab zor-zor qoldi bu qoʻllar.
Biz bitta yurakka aylanib boʻldik…
Kunlarim sensiz-u, tunlaring mensiz,
Yana qancha umr oldinda kutar?
Sevgi bisotida bebaho, tengsiz,
Bir lahzalik visol bizni ovutar.