Умр дарё каби оқавераркан севги хакида шер

Умр дарё каби оқавераркан,
Кунлар эрта сари боқавераркан,
Ёнингда мехрибон ёринг бўлса ҳам,
Илк севги юракни ёқавераркан!

Олови сўнмаскан илк мухаббатнинг,
Озори тинмаскан илк мухаббатнинг,
Ёзиғи шу экан аччиқ ҳаётнинг,
Илк севги юракни ёқавераркан!

Сени суйишлари татимас экан,
Сен деб куйишлари татимас экан,
Илк севгига дунё арзимас экан
Илк севги юракни ёқавераркан!

Туҳфаси осмонга термулган кўзлар,
Айтилмай, юракка кўмилган сўзлар,
Билмадим ҳаётдан не маъно излар,
Илк севги юракни ёқавераркан!

Армонлар йўлимга қалашиб бўлган,
Хижрон ҳаётимга қасдлашиб толган,
Висолнинг кўйида адашиб қолган,
Илк севги юракни ёқавераркан!

Овутмоқ истайман, таскин топилмас,
Ўтмишим ва эртам муроса билмас,
Фақат соғинтирар, бир бора келмас,
Илк севги юракни ёқавераркан!
бас энди дардларинг тўкма,
Эртадан баҳтинг кут, ўтмишинг сўкма,
Йўқ, мени овутмоқ истаманг, тўхтанг,
Умр дарё каби оқавераркан,
Илк севги юракни ёқавераркан!