Кайфиятни кўтарамиз: Энг сара ичакузди латифалар

COVID-19 коронавируси тарқалишини олдини олиш мақсадида биринчи навбатда яхши кайфиятда бўлиш тавсия этилади. Боиси кўтаринки кайфият иммунитетни яхшилайди. Биз энг сара латифалардан бир қанчасини сиз учун жамладик.

Пештоқига “Туйғуларингизни гул орқали изҳор этинг!” сўзи ёзилган гуллар дўконига бир йигит кирибди.

-Менга бир дона атиргул беринг, - дебди у сотувчига.

-Атиги биттами?

-Ҳа мен жуда камгапман!

Бир одам пулларини йўқотиб қўйиб Худога илтижо қилаётган экан:

- Эй Художон агар пулларимни топиб берсанг, бутун умр фақат яхши савоб иш қиламан. У пулларимга бошқа ичмайман, тинмай ибодат қиламан, -деб қўлларини кўкка чўзиб йиғлаб турган экан, бир чеккада ётган пулларини кўриб қолибди.

Шунда у тезда кўз ошларини артиб :

-Бўлди керак эмас, ўзим топдим, - дермиш.
Дарсда ўқитувчи:

- Болалар ким жаннатга боришни истаса қўлини кўтарсин!- дебди.

Синфда бир болакайдан ташқари барчаси қўлини кўтарибди. Ўқитувчи ҳайрон бўлиб болакайдан:

-Сен нега қўлингни кўтармадинг, жаннатга боришни хоҳламайсанми? – деса,

Болакай:

-Ойим мактабдан чиқиб тўғри уйга кел деб тайинлаганлар! -дермиш.
Она ўғлига:

-Ҳафта бошидан янги ҳаёт бошламоқчимиз. Мен озишни бошлайман, даданг ичишни ташлайди. Сен нима қилмоқчисан?

-Мен ўқишни ташламоқчиман!
Бир йигит автобусда кетаётган экан. Қараса ёнида гўзал қиз турган эмиш. Йигит қизга маҳлиё бўлиб қолибди. Бир пайт қиз:

-Салом! -дебди. Йигит ҳам шоша-пиша алик олибди. Қиз:

-Ишлар яхшими? Йигит:

-Рахмат, ўзингиз яхшимисиз? Қиз:

-Мен ҳам яхши. Нима қилябсиз? Йигит:

-Уйга кетябман. Қиз:

-Кечқурун бўшмисиз? Агар бўш бўлсангиз кинога борардик! Йигит:

-Ҳа, бўшман. Қиз:

-Унда кечки 18:00 да қўнгироқ қилинг! Йигит:

Хўп бўлади, рақамингизни айтинг! –деса, қиз индамасмиш. Йигит яна:

-Рақамингизни айтинг! – деб қизни туртибди.

 Қиз қулоғидан қулоқчинини олиб:

-Тинчликми ака? Нега туртасиз дермиш.
Мезбон сўради:

-Сизга қўзиқорин қўяйми?

-Йўқ, мен уларни фақат теришни ёқтираман.

-Ундай бўлса мен уларни полга сочиб ташлайман, сиз эса териб оласиз.
Сочингиз тўкилябдими, уни асрамоқчимисиз? Дўконимизга марҳамат қилинг. Бизда сочни асраш учун чиройли қутилар бор!
Латифаларимиз билан бироз бўлсада сизни кайфиятингизни чоғ қилган бўлсак, бундан бағоят ҳурсандмиз.