Yulduz Usmonova - Omon boʻling

Tun oʻtib, tonglar otar,
Yor yoriga gullar tutar.
Yaxshilarni suydim-o
Men jon qadar, jonim qadar.

Bu umr daryo misol,
Yo tez yogʻar seldek oʻtar.
Asli yor qadriga-yey
Yor hajrida kuygan yetar.

Boʻling-boʻling, omon boʻling,
Siz yaxshilik tomon boʻling.
Boʻling-boʻling, ey, omon boʻling,
Siz yaxshilar tomon boʻling.

Ikki togʻning oʻrtasi-yey,
Shovqin solib daryo oʻtar.
Sidqidildan suymagan
Yor holini abgor etar.

Gʻam ketib, dil boʻlsa but,
Sochlarda oq tola qolur.
Hofiz-yey boʻlmas unut,
Kuy qolur, oh, nola qolur.

Boʻling-boʻling, omon boʻling,
Siz yaxshilik tomon boʻling.
Boʻling-boʻling, ey, omon boʻling,
Siz yaxshilar tomon boʻling.

Boʻling-boʻling, omon boʻling,
Siz yaxshilik tomon boʻling. (x4)