Тасбеҳлар намози
Пайғамбаримиз соллаллоҳу алайҳи ва саллам кунларнинг бирида амакиси Аббос розияллоҳу анҳуга шундай деди: «Эй амаким Аббос! Сенга бир мукофот берайми? Сенга бир яхши нарса айтайми? Сени 10 нарсанинг эгаси қилиб қўяйми? Агар сен ўшани бажарсанг, унда Аллоҳ Таоло сенинг аввалгию кейнги, эскию янги, билиб ва билмай қилган, кичкинаю катта, яширин ва ошкора қилган гуноҳларингни ҳаммасини кечиради. Бу иш 4 ракат нафл намоз (тасбеҳ намози деб ният қилиб) ўқимоқлик. Ҳар бир ракатда Фотиҳа ва зам сураси ўқилганидан кейин рукудан олдин «СубҳанАллоҳи валҳамдулиллаҳи ва лаа илааҳа иллаллоҳу валлоҳу акбар»деб 15 марта ўқимоқ, кейин рукуда шу сўзларни 10 марта ўқимоқ, рукудан турганида 10 марта сўнг саждада 10 марта, саждадан ўтирганда 10 марта сўнг саждада 10 марта, саждадан турганда яна 10 марта ҳаммаси бўлиб 75 марта бўлади. Шу тариқа ҳар бир ракаътда 75 мартадан ўқилади. Агар қўлингдан келса шу намозни куни сайин бир мартадан ўқигин. Агар ундай қилолмасанг ҳар жума куни бир марта ўқи, агар ундай қилолмасанг бир ойда бир марта ўқи, агар ундай қилолмасанг бир йилда бир марта ўқигин. Мабодо уни ҳам қилолмасанг бир йилда бир марта ўқигин. Мабодо уни ҳам қилолмасанг у ҳолда ҳеч бўлмаса умрингда бир марта бўлса ҳам ўқигин»-деди.(Абу Довуд).