Замон деймиз замона деймиз узбекча шеър

Атроф тўла кўриб одамни,
Бу яхши бу ёмона деймиз.
Зулматхона қилиб оламни,
Замон деймиз замона деймиз.

Йигитларнинг қолмади ори.
Кимдир алкаш кимдир безори.

Кўча кўйда юрсада ёри.
Замон деймиз замона деймиз.

Эр йигитдан барака қочган.
Кўп қизларга кўнглини очган.
Топганини кўчага сочган.
Замон деймиз замона деймиз.

Қизлар ўзин бозорга солса.
Тунда дайдиб ҳар жойда қолса.
Шайтон сувин қўлига олса.
Замон деймиз замона деймиз.

Шайтон билан ришталар қурса.
Ор-номусдан юзини бурса.
Очиқ сочиқ кийиниб юрса.
Замон деймиз замона деймиз.

Аллоҳнимас инсонни суйдик.
Ёшлик дедик минг ёниб куйдик.
Оҳиратни унутиб қуйдик.
Замон деймиз замона деймиз.

Бойлик топиб йўқотиб ўзни.
Унутамиз бир ширин сўзни.
Барчасига жим юмиб кўзни.
Замон деймиз, замона деймиз.