Dimlama

Kerakli masalliqlar:

1. Goʻsht - 1 kg.
2. Kartoshka - 1 kg.
3. Piyoz - 3 dona
4. Karam - 2 dona
5. Pomidor - 1 dona
6. Qizil sabzi - 2 dona
7. Sarimsoqpiyoz
8. Ziravorlar


Tayyorlanishi:

Goʻsht, kartoshka, karam va sabzi kerakli kattalikka boʻlinadi. Toza qozon tubiga goʻsht boʻlaklari terib chiqiladi. Soʻngra toʻgʻralgan piyoz, sabzi, karam va kartoshka teriladi. Bunda xar bir qatlam ustiga ozginadan tuz sepiladi. Eng ustiga toʻgʻralgan pomidor va sarimsoqpiyoz boʻlakchalari solinadi. Qozon gazga qoʻyilib, yarim kosa suv solinadi. Ustiga ziravorlar sepib, qozon qopqogʻi yopiladi. Qaynab chiqqach, olov paslatilib, 1 soat davomida pishiriladi.


Tayyor boʻlgan taom likopchalarda, ustiga koʻkatlar sepilgan xolda, dasturhonga tortiladi.

Yoqimli ishtaxa!