Muhriddin Xoliqov - Qizgʻaldogʻim

Qizgʻaldogʻim, qirdan boʻlak koshonang yoʻq,
Kokil yoysang, yerdan boʻlak toshoynang yoʻq,
Oʻksib-oʻksib turganingda oʻzim borib,
Peshonangdan oʻpay desam, peshonang yoʻq.
Oʻksib-oʻksib turganingda oʻzim borib,
Peshonangdan oʻpay desam, peshonang yoʻq.
Qizgʻaldogʻim, qizgʻaldogʻim, qizgʻaldogʻim.
Sen yigʻlasang, boshing silab, yomgʻir yogʻar,
Sening uchun koʻkda chaqmoq bulut sogʻar,
Hech kimsaga ishonmaydi seni bahor,
Begoyimsan, ammo beging, hamxonang yoʻq.
Hech kimsaga ishonmaydi seni bahor,
Begoyimsan, ammo beging, hamxonang yoʻq.
Qizgʻaldogʻim, qizgʻaldogʻim, qizgʻaldogʻim.
Yoningga men borolmasam, kech gunohim,
Bir yoʻqlab qoʻy, men dunyodan oʻtgan chogʻim, (x2)
Qabrim uzra hilpirab tur, qizgʻaldogʻim,
Muhammaddan boʻlak doʻsti devonang yoʻq.
Qabrim uzra hilpirab tur, qizgʻaldogʻim,
Muhammaddan boʻlak doʻsting devonang yoʻq.
Qizgʻaldogʻim, qizgʻaldogʻim, qizgʻaldogʻim,
Qizgʻaldogʻim, qizgʻaldogʻim, qizgʻaldogʻim.