“Muhtasham yuz yil” serialining “Turkiya goʻzali” unvoniga ega boʻlgan aktrisalari

Mazkur serialda suratga tushgan aktrisalarning aksariyati goʻzallik tanlovlarida ishtirok etganlar, ulardan uchtasi esa “Turkiya goʻzali” unvoni sohibiga aylangan.
Hande Subashi
Bu aktrisaga serialda uncha ahamiyatli boʻlmagan rol nasib etgan, u Bali boyning sevgilisi rolini oʻynagan.

Hande 2005 yilda goʻzallik tanlovida gʻolib boʻlib, “Turkiya goʻzali 2005” unvonini qoʻlga kiritgan.

“Muhtasham yuz yil”dan tashqari aktrisa “Tirilish. Ertugʻrul” serialida suratga tushgan hamda “Propaganda” filmida bosh rolni oʻynagan.

Nabahat Chahre“Muhtasham yuz yil” serialida volida sulton xonim rolini qoyilmaqmaqom ijro etgan aktrisa goʻzalligi bilan muxlislarni maftun etgan.

Aristokratik koʻrinish, xushbichim qomat, qirolichalarga xos qadam bosish, oʻtkir nigoh – aktrisa haqiqiy sulton xonim obrazini yarata oldi.

Nabahat 1960 yilda goʻzallik tanlovida gʻolib boʻlib, “Turkiya goʻzali 1960” unvoni sohibasiga aylangan.

Hulya Avshar
Aktrisaga obro’-eʼtiborli, oʻktam, yovuz va dono sulton xonim obrazi juda mos tushdi.

Jozibador Hulya “Turkiya goʻzali 1983” unvoni sohibasi boʻlgan.

Goʻzallik tanlovlarida ishtirok etgan “Muhtasham yuz yil” serialining yana boshqa aktrisalari:

Jansu Dere (Feruza xotun)
“Vize miss Turkiya-2000”

Ozgu Ayuboʻglu (Aybige xotun)
“Vize miss Turkiya-2001”

Ozge Ulusoy (Anna Yagellonka)
“Turkiya goʻzali 2003” tanlovining ikkinchi oʻrin sohibasi.

“Muhtasham yuz yil” serialining bunday mashhurlikka erishishining sabablaridan yana biri ana shu goʻzal ayollarning ishtiroki boʻlsa, ne ajab.