Zaytun yogʻi va uning foydali jihatlari haqida

Zaytun yogʻi qadim zamonlardan beri eng foydali mahsulot sifatida tan olingan. Olimlarning aniqlashicha, zaytun daraxtining vatani qadimgi Misr boʻlib, misrliklar uni sexrli daraxt deya eʼzozlashgan.
Foydasi
Zaytun yogʻi antioksidantlar, vitaminlar va minerallarga boy boʻlganligi sabab uni “suyuq oltin” deya atashgan. Shuningdek, u suyak hamda mushak toʻqimalarini, ichak devorlarini mustaxkamlashga yordam beradi.

Zaytun yogʻi E vitaminiga boy boʻlib, qanday holatda isteʼmol qilinishidan qatʼi nazar oshqozonda gastrit va yara paydo boʻlishini oldini oladi. Bundan tashqari, yog’ tarkibidagi xlor ichak faoliyatini yaxshilaydi.
Zaytun yogʻi boshqa oʻsimlik yogʻlariga nisbatan inson organizmidan yengil soʻrilib, uni doimiy isteʼmol qilishlik arterial bosimni meʼyorlashtiradi.

Zaytun yogʻi kalsiyga boy boʻlib, uni bolalar ovqatiga qoʻshib berish ancha foydali. Mahsulot tarkibida lanolin kislotasi mavjudligi bois, jaroxat va kuygan joylarga surtilsa, tez bitadi.Goʻzallik maqsadida
Zaytun yogʻi nafaqat tibbiyotda balki kosmetologiyada ham keng qoʻllaniladi. Undan turli krem, surtmalar hamda yuz, soch va teri uchun turli balzamlar tayyorlanadi.

Qadimda ayollar zaytun yogʻidan yuz tozalovchi va yalligʻlanishga qarshi vosita sifatida foydalanishgan. Yog’ tarkibidagi fenol moddasi teri qarishini sekinlashtirib, uni yumshoq va mayin qiladi.
Zarari
Zaytun yogʻini oʻt pufagi yalligʻlanganda, yaʼni xolesistitda isteʼmol qilmagan maʼqul, sababi, yog’ kasallikni yanada kuchaytirib yuborishi mumkin.

Aksariyat dietologlar zaytun yogʻini bir kunda 2 oshqoshiqdan koʻp isteʼmol qilmaslik kerak, deya taʼkidlaydilar. Chunki u yuqori kaloriyali boʻlib, 100 gr. zaytun yogʻida 900 kaloriya mavjud. Zaytun yogʻini hech qanday termik ishlovlarsiz isteʼmol qilish kerak, shunda uning foydasi yaqqol seziladi.
Zaytun yogʻi qanday tanlanadi?
Zaytun yogʻi ikki xil- rafinadlangan va rafinadlanmagan turda boʻladi. Barcha foydali moddalar ozroq qizdirilgan va rafinadlanmagan yogʻda mavjud.

Mahsulotni sotib olayotganda uning ishlab chiqarilgan sanansiga eʼtibor bering, chunki yog’ tarkibidagi foydali moddalar 5 oy davomida saqlanadi, xolos.