Машҳур миллиардерлардан бири Марк Сукербергнинг муваффақияти, севги қиссаси ва оиласи ҳақида қизиқарли маълумотлар

Машҳур миллиардерлардан бири Марк Сукербергнинг муваффақияти, севги қиссаси ва оиласи ҳақида қизиқарли маълумотлар
Машҳур миллиардерлардан бири Марк Сукербергнинг муваффақияти, севги қиссаси ва оиласи ҳақида қизиқарли маълумотлар


Бугунги мақоламизда дунёнинг энг машхур миллиардерларидан бири “Фаcебоок” ижтимоий тармоғи асосчиси Марк Сукерберг ва унинг рафиқаси Пристилла Чанларнинг муҳаббати тарихи ҳақидаги қизиқарли маълумотларимизни сиз билан ўртоқлашамиз!

Марк ўз жуфти учун никоҳ узуги танлар экан унинг бошқаларга ўхшамаган бўлишини истаган ҳолда рубин ва олмослар билан безатилган бу тухфани  ўз ғоялари асосида ишлаттирди. Ушбу узук унинг бойлиги олдида денгиздан томчи бўлса ҳам, оз эмас кўп эмас 25 минг долларга айланди.
Марк ўрта мактабда ўқиб юрган йиллари программалаштириш иши билан қизиқиб қолди. У бу сохага шунчалар берилиб кетдики, тез орада унинг ота-онаси Маркни “Пҳиллипс Эхетер Аcадемй” ўқув масканида ўқита бошладилар. Марк Девид Нюмандан сабоқ олишга киришди. Нюман илк бор Маркни дахо дея атади. Унинг шогирди машғулотлар пайтида ҳам турли-туман шўхликлар қилиб, компютерларни програмалаштиришга уринарди.

Марк тахсил йилларида турфа мукофотлар билан тақдирланди. Бўлғуси миллиардер гоҳ математика бўйича катта ютуқларга эришса, гоҳ астрономия, гоҳо эса физика фанига доир билими билан барчани ҳайратга соларди. Коллежга ўқишга кираётган пайтида маҳсус сўравномага инглиз тили билан бир қаторда француз, иврит, лотин ва қадимги Рим тилларида бемалол мулоқат қила олиши мумкинлигини ёзиб қўйди. Марк нафақат аниқ фанлар, балки тил ўзлаштириш борасида ҳам жуда иқтидорли эди.

Гарвард университетига киргач Маркнинг баҳолари пасайиб кетди,. Бу унинг ақли ўтмаслашиб қолгани учун эмас, балки программалаштириш иши Маркни буткул банд қилиб қўйгани билан боғлиқ эди. Тез орада у ўз муаллимларига университет базасидаги талабалар номини интернетда қайд этиш ғоясини тақдим этди. Олинган рад жавоби Марк томонидан “Фаcемаш” сайтининг очилиши ва унда барчат алабаларнинг номи қайд этилишига тўсқинлик қила олмади. У жойлаштирилган суръатлар тагига кимнинг расми яхшироқ эканлигига баҳо беришни таклиф этди. Яратилган сайт талабалар орасида оммалашиб кетди. Аммо Гарвард маъмурияти Маркка сайтни ёпиш талабини қўйишди. Марк сайтни ёпди, лекин кўп ўтмай талабалар истаги билан қайтадан очди.

Шундай қилиб 2004 йилнинг 4 феврал санасида “Фаcебоок” ижтимоий тармоғи пайдо бўлди. Янги сайтда биринчилардан бўлиб рўйхатдан ўтган талабалар орасида Пристилла Чан ҳам бор эди.
Пристилланинг ота-онаси келиб чиқиши асл Хитойликлардан бўлиб, Ветнамдан 70-йиллар ўрталарида қочиб келишганди. Уларнинг фарзандлари Америкада дунёга келди. Каттаси Пристилла бобоси ва бувиси билан бирга вояга етди. Қизалоқнинг ота-онаси эса Хитой ресторанида 18 соатлаб ишлашга мажбур эдилар. Молиявий ҳолат яхшилангач, Чанлар оиласи ўзларининг кичик овқатланиш масканларига эга бўлишди ва фарзандларини Америка университетларида ўқитишга қарор қилдилар. Пристилла бу фидойиликнинг барчасини теран англаган ҳолда вояга етди. У кичик қизалоқлик пайтларидаёқ информатика ўқитувчисидан Гарвардга кириш учун нима қилиш керак эканлигини сўраган эди. Ўқитувчи бу саволдан ҳайратга тушиб қолди ва қизалоққа фақат аъло баҳоларга ўқиш кераклиги, шунингдек, гарвардга кириш пайтида спортдаги кўрсаткичлар инобатга олинишини айтиб, теннис билан шуғилланишни маслаҳат берди. Пристилла мақсадига эришди!
Марк билан Пристилланинг танишувларидан кейин “Фаcебоок” асосчиси мутлақо бахтли инсонга айланди. Улар талабалар базмида танишиб қолишди. Ўша базмдан сўнг улар орасида муҳаббат пайдо бўлди. Марк Гарвардни ташлаб ўз лойиҳаси устида иш бошлашга қарор қилди, бироқ Пристилла унинг орқасидан бормади. Чунки у машхур университетда таълим олиб, ўз ота-онасининг орзусини рўёбга чиқариши шарт эди. Аммо қиз Маркнинг келажаги буюк эканлигига ишонар, Марк эса бир кун келиб Пристилла билан бахтли ҳаёт кечиришига аниқ ишонар эди. Оламшумул маваффақиятлар ва миллионлар Маркни ўзгартира олмади. Атрофидаги сон-саноқсиз қизлар ичидан ўша, талабалик йилларида севиб қолган хитойлик қизни танлади.
2012-йилнинг 19 май куни Пристилла ва Марк қизнинг диплом олиши муносабати билан ташкиллаштирилган базмга дўсту қариндошларини таклиф этдилар. Зиёфатда келин ва куёв пайдо бўлгач, йиғиганлар тўйга келиб қолганларини англашди. Истаса дунёнинг энг машхур дизайнерларидан қимматбаҳо никоҳ либоси ҳарид қилишимумкин бўлган келин ким томонидан тикилгани номаълум оддий никоҳ кўйлаги билан чекланди.
Марк рафиқаси учун эмас, унинг бувиси учун хитой тилини ўрганди. Чунки қизнинг бувиси инглиз тилида гаплашишни умуман билмас, айнан ана шу аёл Пристилланинг ҳаётида беқиёс ўрин тутарди. Марк Пристилланинг бувисидан ўз рафиқасига берган тарбияси учун миннатдор эканлигини яширмайди. Пристилла Маркни ҳар жабхада қўллаб қувватлайди, унинг ҳаётида муҳим аҳамиятга эга инсон эди. Уч бор ҳомиласидан айрилган Пристилланинг тушкун кайфияти Маркка ҳам таъсир этиб турган бир пайтда оилада туғилган илк қиз фарзанд уларни дунёдаги энг бахтли ота-онага айлантирди. Миллиардер фақатгина меҳрибон турмуш ўртоқ эмас, ажойиб ота ҳам бўлиб чиқди. Кейинчалик улар яна бир ширин қизалоқнинг ота-онасига айланишди.

Поябзал ҳақида қизиқарли фактлар

Статистик маълумотларга кўра, кўпчилик, ҳеч бўлмаганда аёллар, эркак билан учрашганда аввало поябзалга эътибор беришади, агар эркак ўз поябзалига ғамхўрлик қилса ва мунтазам равишда тозаласа, у ҳолда шеригининг олдида унинг имкониятлари икки баравар кўпаяди. Бизнинг бугунги мақоламиз поябзал ҳақидаги қизиқарли маълумотларга бағишланган бўлади....

РЎЗАДОРЛАРГА ҲУШХАБАР!

РЎЗАДОРЛАРГА ҲУШХАБАР! • Жобир ибн Абдуллоҳ розияллоҳу анҳудан ривоят қилинади. «Расулуллоҳ соллаллоҳу алайҳи васаллам шундай дедилар: «Рамазон ойида менинг умматимга мендан аввалги пайғамбарларга берилмаган беш нарса берилди:...

ТОНГ ВА КЕЧДА АЙТИЛАДИГАН ЗИКР

ТОНГ ВА КЕЧДА АЙТИЛАДИГАН ЗИКР...

Роксалана-Хуррам султон аслида қандай аёл бўлган: “Муҳташам юз йил” сериалидаги ҳақиқат ва уйдирмалар

Усмонийлар салтанатининг султони Сулаймон шоҳнинг рафиқаси – Хуррам хоним ўз даврининг донғи кетган нуфузли аёлларидан бири бўлган, бироқ ўлимидан олти аср ўтгандан кейингина ҳақиқий шуҳрат қозонган......

Сенга гап олиб келган одам сендан ҳам гап олиб кетади

☝️Сенга гап олиб келган одам сендан ҳам гап олиб кетади. ☝️Фойдангга гувоҳлик берган одам зарарингга ҳам гувоҳлик беради. ☝️Фойдангга журъат қилган одам зарарингга ҳам журъат қила олади....

Тез вазн ташлашга имкон берувчи Зумба ҳақида маълумотлар

Тан олиш керакки фитнесс машғулотлари ҳам, тренажор машқлари ҳам бизни жуда толиқтиради. Вазият шунчалар оғир ҳолатга етиб келадики, барчасига қўл силташни истайсиз. Аммо спорт машғулотларини қизиқарли юмишга айлантириш ҳам имконсиз иш эмас....

Усмонийлар империяси. Сулаймон И: биография

Усмонийлар империясининг ўнинчи султони бўлмиш Сулаймон И салтанатини мисли кўрилмаган қудратга эга бўлишини таъминлади. Буюк саркарда шунингдек, оқилона қонунлар муаллифи, янги мактаблар асосчиси ва меъморий обидалар қурилишининг ташаббускори сифатида ҳам танилган......

Атрофдагиларнинг кўнглига йўл топишда аҳамиятли бўлган 6 та жиҳат

Ҳар бир инсон шахсий ривожланиши ва атрофдагилар билан тил топишишда муҳим бўлган жиҳатлар мавжуд. Қуйида улардан бир нечтасини сизга ҳавола этамиз....

Музлатгичда сақлаш тавсия этилмайдиган 7 маҳсулот

Маҳсулотлар бузилмаслиги учун уларни музлатгичга қўйиш керак деган фикрга одатланиб қолганмиз. Бироқ, бу фикр ҳар доим ҳам тўғри дея олмаймиз. Бизнинг кундалик истеъмолимиздаги баъзи маҳсулотларни музлатгичда сақлаш тавсия этилмайди. Уларнинг қайсилар эканлигига қизиқаётган бўлсангиз, мақоламизга диққатингизни қаратинг!......

Уйдан чиқмай туриб хорижий тил ўрганиш учун зарур тавсиялар

Айни вақтлари карантин шароитида вақтингизни самарали ва фойдали усулда сарфлаш фикрига қандай қарайсиз? Бунинг учун чет тилларининг бирини танлаб олиш ва уни ўрганишга киришишни тавсия этамиз......

Фикр қўшиш