Европанинг энг сирли ва дахшатли туристик масканлари

Европанинг турли бурчакаларида жойлашган айрим ҳудудлар бўйлаб кезиб юрадиган арвоҳлар, қўрқинчли харобалар, номаълум инсонлар томонидан қурилган сирли бинолари билан донг таратган. Инсонлар орасида бу каби мистик жиҳатларни сафсата деб биладиганлар ҳам оз эмас. Аммо юраги қайноқ туристлар учун бу каби масканлар эшиги доимо очиқ. Демак, бугун Европанинг энг сирли жойларига биргаликда сайр қиламиз.

Прага, Чехия
Европанинг мистика пойтахти бўлмиш мазкур ҳудуд Эски шаҳар номи билан яхши танилган. Айтишларича, бу ерда кўп сонли арвоҳларни ўз кўзларингиз билан кўришингиз мумкин экан. Ҳудуддаги Фауст уйида бир замонлар ўз даврининг машҳур ал-кимёгари саналган Эдуард Келли ҳаёт кечирган. Одамларнинг сўзларига қараганда, ушбу бино ичига кирган ҳар бир киши келажакда омад билан тўқнашар эмиш.
Билсангиз, Прага шахрининг рамзий арвоҳи ҳам бор. Уни Яхима Берки руҳи деб аташади. У ҳаётлик пайтларида ўзининг танлаган ёрини бўғиб ўлдирган. Бугунги кунда арвоҳ ҳар ойда бир марта Планер кўчасида пайдо бўлади ва бегуноҳ келинчак билан суҳбат қуриш умидида кезиб юради. Айтишларича кун келиб мазкур ҳодиса содир бўлса, Яхиманинг руҳи ҳам таскин топар эмиш.

Алтамир ғори, Сантиляна-дел—Мар, Испания
Йўқ, бу ерда сиз тахмин қилгандек олмослар ҳам, қимматбаҳо тошлар ҳам мавжуд эмас… Аммо қадимий ғор ичида тош асрига тегишли суратлар жойлашган. Улар инсоният тарихидаги биринчи суратлар сирасига киради. Расмларда турли жониворлар, буғулар, тўнғиз ҳамда одамлар таъсвирланган. Суратлар шунчалик ажойиб усулда ишланганки, айрим инсонлар ибтидоий одамлар бунга қодир бўлмаганликлари, суратлар аслида ўзга сайёраликлар томонидан чизилганини айтишади. Ҳар не қилганда ҳам, мазкур суратлар бундан 32-19 минг йил аввал ишланган эканлиги маълум.
Бойнице саройи, Словакия
Европаликлар орасида мазкур саройда эркак киши арвоҳи яшаши ҳақидаги шов-шувлар кенг тарқалган. Туристлар эса у билан учрашиш умидида юрак ютиб саройга келишади.

Ян Палфий исмли лейтенант бир замонлар ушбу саройнинг соҳиби бўлган ва гўзал қизга ошиқ бўлиб қолган. Аммо қиз лейтенантнинг таклифини рад этади. Тушкунликдаги ошиқ умрининг қолган қисмини ёлғизликда, зоҳидлик билан ўтказган, бойлигининг барча қисмини етимхоналарга тарқатиб берган. Ян бошқалар кани қабристонга эмас, ўзининг саройи ичига кўмилган. Шу сабабли ҳам унинг руҳи ҳамон сарой йўлаклари орасида кезиб юради. Айтишларича, арвоҳ баъзан оппоқ либосли аёл билан биргаликда кўриниш берар эмиш.
Аммо бу лейтенантнинг таклифини рад этган соҳибжамол руҳи эмас. Аёлнинг исми Анна Берна бўлган ва 30 йиллик уруш вақтида душман томон аскарларидан бирини севиб қолган. Муҳаббати учун рақибларига стратегик сирларни айтиб берган, бунинг оқибатида уни ўлимга маҳкум қилганлар.

Тергов вақтида эса Аннани шу саройга олиб келишган. Ўлимидан кейин эса уни ҳам Яннинг ёнига дафн қилишган.

Сарой жуда яхши ҳолатда сақланган. Аммо бу ерга асаблари бўш одамларнинг келишлари мутлақо тавсия этилмайди. Сабаби туристлар орасида Ян ва Анна билан тўқнаш келиб, юрак ҳуружига учраб қолган жабрдийдалар ҳам бўлган экан.
“Лох-Несс” кўли, Инвернесс, Шотландия
Мазкур кўл номи Европа халқлари орасида жуда ҳам машҳур. Бу ердаги чучук сув захираси миқдори Буюк Британиядаги сув заҳирасини ортда қолдиради. Аммо инсонларнинг кўлга серқатнов эканлиги сабаби бу эмас. Айтишларича, мазкур кўлда улкан маҳлуқ ҳаёт кечиради. Одамлар унга Несси дея ном ҳам беришган. Тахминларга кўра,махлуқ ёки динозаврларнинг тирик қолиб кетган вакилларидан бири, ёки фанга номаълум жонзод бўлиши мумкин. Одамлар орасида уни кўрганлар бор эканлиги айтилади. Аммо, олимлар бу ерда махлуқ яшаши ҳақидаги фикрни инкор қилишган.
Дракула саройи, Бран, Руминия
Жанубий Трансилваниянинг тоғли ҳудудида жойлашган мазкур саройнинг асл номи “Бран” бўлгани билан уни Дракула саройи сифатида яхши билишади. Сарой бир замонлар турк саркардаларидан ҳимоя қиладиган қалъа сифатида бунёд қилинган. Кейинчалик у Влада Сепеша исмли шахснинг резиденсиясига айланган. Ушбу инсон мистик романлар шарофати билан Европада Граф Дракула сифатида ном қозонган. Бугунги кунда сарой асаблари метиндан бўлган сайёҳлар учун очиқ ҳолатда сақланади.