Жазирама кунларда қандай кийиниш керак: Стилистлардан 4 тавсия
Ёз мавсумининг иссиқ кунларида чиройли, замонавий ва қулай образ яратиш учун қандай либослар ҳарид қилиш лозим? Бу борада айнан қайси деталлар муҳим ва ўринли ҳисобланади? Ушбу саволларга жавоб олишни истасангиз қуйидаги кичик масалаҳатларимиз билан танишиб чиқинг.
Сокин Тотал wҳите – бир неча ойлардан бери тренд даражасига кўтарилган образ яратиш услубидир. Унинг асосий белгиси фақатгина оқ рангли либослар ва шу тусдаги аксессуарлардан иборат қиёфа яратиш саналади. Образнинг мукаммал бўлиши учун либосларнинг мураккаб бичимли турларига диққат қаратинг.
Сокин рангларСокин ранглар ёз фаслининг ўзига ҳос белгиси ва ташриф қоғози десак ҳато бўлмайди. Улар инсонга мусаффо, чиройли ва нафис кўриниш беради. Бундан ташқари очиқ ранглар иссиқлик ва қуёш нурини қайтаради, танани ҳаддан ташқари қиздириб юбормайди. Сокин рангларни ўзаро уйғунлаштириш эса ажойиб образлар яратиш учун имкон беради.
Қизиқарли бичимларИссиқ кунларда инсон танаси тор либослар эмас, кенг бичимли либосларга эхтиёж сезади. Амму бу ўзингизга катта бўлган либослар билан қоматингизни тўлароқ кўрсатишга сабаб яратмаслиги керак. Кенг либос танлаш давомида мураккаб ва қизиқарли бичимларга диққат қилсангиз, мазкур ҳолатнинг ўрни тўлдирилади.
Хашаматли кўринишЁз кунлари исиб кетмаслик учун шаффоф, ҳаддан ташқари юпқа ва ҳарир либос танлаш- тўғри қарор эмас. Шунингдек, иссиқ ховурини пасайтириш мақсадида ўта очиқ либослар кийиш фикрини ҳам нари суринг. Ушбу сифатлар қиёфанинг ҳашаматли кўринишига ҳалал беради. Бундан ташқари, Шарқ аёлларининг менталитети қандай фаслда бўлмасин либосларнинг ҳаддан ташқари очиқ бўлишига тўсқинлик қилади. Шундай экан, шаффоф кўринишдаги мато ўрнига сокин ранглардаги юпқа матоли либослар танлаш тавсия этилади.
