Ҳақ йўлда зоҳир бўлиб турадиган ва Қиёматгача давом этадиган тоифа ҳақидаги ҳадислар

Ҳақ йўлда зоҳир бўлиб турадиган ва Қиёматгача давом этадиган тоифа ҳақидаги ҳадислар
Ҳақ йўлда зоҳир бўлиб турадиган ва Қиёматгача давом этадиган тоифа ҳақидаги ҳадислар


Муғийра ибн Шўъба розияллоҳу анҳудан ривоят. Расулуллоҳ соллаллоҳу алайҳи ва саллам айтдилар:

«لَا يَزَالُ طَائِفَةٌ مِنْ أُمَّتِي ظَاهِرِينَ حَتَّى يَأْتِيَهُمْ أَمْرُ اللهِ وَهُمْ ظَاهِرُونَ»
رواه البخاري في صحيحه برقم 7311، ومسلم في صحيحه برقم 156

"Умматимнинг бир тоифаси (ҳақ йўлда) зоҳир бўлган ҳолларида давом этадилар. (Улар ҳақ устида эканликлари билан шундай) зоҳир бўлиб турадилар, то улар зоҳир бўлиб турган ҳолларида уларга Аллоҳнинг амри келгунига қадар (давом этадилар)".

Имом Бухорий ривояти: 7311-ҳадис, имом Муслим ривояти: 156-ҳадис.

وفي رواية لمسلم:
«لَا تَزَالُ طَائِفَةٌ مِنْ أُمَّتِي قَائِمَةً بِأَمْرِ اللهِ لَا يَضُرُّهُمْ مَنْ خَذَلَهُمْ أَوْ خَالَفَهُمْ حَتَّى يَأْتِيَ أَمْرُ اللهِ وَهُمْ ظَاهِرُونَ عَلَى النَّاسِ»

Имом Муслимнинг яна бир ривоятида мана бундай келган:
"Умматимнинг бир тоифаси Аллоҳнинг амрини қоим қилган ҳолларида давом этадилар. Уларни ёрдамсиз ташлаб қўядиганлар ёки уларга қарши бўладиганлар уларга зарар келтира олмайдилар. Улар одамларнинг устида зоҳир бўлган ҳолларида то Аллоҳнинг амри келгунига қадар давом этадилар. (Яъни, улар ҳақ устида эканликлари билан зоҳир бўлиб турган ҳолларида давом этар эканлар, шундай ҳолатда Қиёмат соати етиб келади)".

Муовия ибн Абу Суфён розияллоҳу анҳудан ривоят. Расулуллоҳ соллаллоҳу алайҳи ва саллам айтдилар:

«مَن يُرِدِ اللهُ به خَيْرًا يُفَقِّهْهُ في الدِّينِ، ولا تَزالُ عِصابَةٌ مِنَ المُسْلِمِينَ يُقاتِلُونَ علَى الحَقِّ ظاهِرِينَ علَى مَن ناوَأَهُمْ، إلى يَومِ القِيامَةِ».

رواه مسلم في صحيحه برقم 1037

«Кимгаки Аллоҳ яхшиликни ирода қилган бўлса, уни динда фақиҳ (динни чуқур англаб етадиган ва уни холис Аллоҳ учун бажо этадиган) қилиб қўяди. Яна мусулмонларнинг бир гуруҳлари ҳақ устида туриб жанг қилишда давом этадилар, уларга қаршилик кўрсатадиганлар устидан зоҳир бўлиб турадилар, то Қиёмат кунига қадар (шундай давом этадилар)».

Саҳиҳи Муслим: 1037-ҳадис

Жобир ибн Абдуллоҳ розияллоҳу анҳумодан ривоят. Расулуллоҳ соллаллоҳу алайҳи ва саллам айтдилар:

«لا تَزالُ طائِفَةٌ مِن أُمَّتي يُقاتِلُونَ علَى الحَقِّ ظاهِرِينَ إلى يَومِ القِيامَةِ».

رواه مسلم في صحيحه برقم 1923

«Умматимнинг бир тоифаси Қиёмат кунига қадар зоҳир бўлган ҳолларида ҳақ учун жанг қилишда давом этадилар»

Саҳиҳи Муслим: 1923-ҳадис

Имрон ибн Ал-Ҳусойн розияллоҳу анҳудан ривоят. Расулуллоҳ соллаллоҳу алайҳи ва саллам айтдилар:

«لا تَزالُ طائفةٌ من أمَّتي يقاتِلونَ على الحقِّ ظاهِرينَ علَى من ناوَأَهُم حتَّى يُقاتلَ آخرُهُمُ المسيحَ الدَّجَّالَ»

صحيح سنن أبي داود برقم :2484

«Умматимнинг бир тоифаси ҳақ учун жанг қилишда давом этадилар, уларга қаршилик қиладиганлар устидан зоҳир бўлган ҳолларида, то уларнинг энг охиргилари (охири замонда келадиганлари) Масиҳи Дажжолга қарши жанг қилгунларига қадар».

Саҳиҳи Сунани Абу Довуд: 2484-ҳадис

Абу Умома розияллоҳу анҳудан ривоят. Расулуллоҳ соллаллоҳу алайҳи ва саллам айтдилар:

«لَا تَزَالُ طَائِفَةٌ مِنْ أُمَّتِي عَلَى الْحَقِّ ظَاهِرِينَ، لعَدُوِّهِمْ قَاهِرِينَ، لَا يَضُرُّهُمْ مَنْ خَالَفَهُمْ إِلَّا مَا أَصَابَهُمْ مِنْ لَأْوَاءَ، حَتَّى يَأْتِيَهُمْ أَمْرُ اللهِ وَهُمْ كَذَلِكَ»
قَالُوا يَا رَسُولَ اللهِ وَأَيْنَ هُمْ؟
قَالَ: «بِبَيْتِ الْمَقْدِسِ وَأَكْنَافِ بَيْتِ الْمَقْدِسِ».

رواه أحمد في المسند برقم 21286

"Умматимнинг бир тоифаси ҳақ йўлда зоҳир бўлган, душманларини қаҳр этган ҳолларида давом этадилар. Уларга қарши бўлганлар уларга зарар етказа олмайдилар, илло, фақат бошларига тушадиган баъзи бир лаъво (шиддатли ҳолатлар, мусибатлар келишига сабабчи бўлишлари мумкин). То Аллоҳнинг амри келгунига қадар улар шундай давом этадилар. (Яъни, ҳақ йўлда собитқадам туриб, душманларини қаҳр этиб борадилар)".

(Баъзи саҳобаи киромлар) сўрадилар:

Эй Расулуллоҳ, улар (охири замонда) қаерда бўладилар?

Расулуллоҳ соллаллоҳу алайҳи ва саллам жавоб бердилар:

"Байтул-Мақдисда ва Байтул-Мақдиснинг сояларида (Масжидул-Ақсога яқин диёрларда)".

Муснади Аҳмад: 21286-ҳадис

Қисқа изоҳ:

Аллома Ибн Ҳажар раҳимаҳуллоҳ айтадилар:

«Байтул-Мақдисда бўладиган кишилардан мурод, Дажжол чиққанда уларни ўша ерда қамал қилади. Ана ўша пайт Ийсо алайҳиссалом уларнинг олдиларига тушиб келадилар ва Дажжолни қатл этадилар».

(Фатҳул-Борий шарҳи Саҳиҳул-Бухорий китобидан иқтибос)

Аллоҳ яккалигига иймон келтирган охиратда саодатга эришади

Аллоҳ яккалигига иймон келтирган охиратда саодатга эришади. Дини ҳақида қайғурган фалокатдан саломат чиқади. Бу дунё ҳавасларидан узоқ турганга қиёматда Аллоҳнинг раҳмати бор....

Умранинг фазли

Аллоҳ таоло айтади: «Ҳаж ва умрани Аллоҳ учун комил суратда адо қилинг!» (Бақара: 196). عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: «الْعُمْرَةُ إِلَى الْعُمْرَةِ كَفَّارَةٌ لِمَا بَيْنَهُمَا وَالْحَجُّ الْمَبْرُورُ لَيْسَ لَهُ جَزَاءٌ إِلاَّ الْجَنَّةُ» (رواه البخاري) Абу Ҳурайра...

Қуръонда зикр этилган қалб турлари

Аллоҳ таоло Қуръони каримда қалбнинг бир қанча турларини зикр этган. Жумладан:...

Жума кунининг сирлари

Жума кунининг бошқа кунлардан афзаллик жиҳатлари жуда кўп. Улардан бири шуки, жума куни айнан жума намози учун ғусл қилиб, намозга эртароқ кeлган, намоз ва масжид одобларига риоя қилиб намоз ўқиган банданинг ҳар бир қадамига бир йиллик намоз ва рўзанинг савоби бeрилади....

Муҳаббат нима ?

Муҳаббат бу- Росулуллоҳ саллоллоҳу алайҳи ва саллам ҳижрат қилган кечаларида у зотнинг ўринларида тўшакда ухлаган Али розиёллоҳу анҳудир. У Росулуллоҳ саллоллоҳу алайҳи ва салламни қавмлари ўлдириш учун жамланганини билар ва бу тўшакда у зотнинг ўрниларида қатл қилинишига аниқ ишонар эди......

5 маҳал намоз ўқийдиган одам бир кунда

5 маҳал намоз ўқийдиган одам бир кунда: - 40 маротаба “Бисмиллаҳ” - 40 маротаба “Фотиҳа сураси” - 80 маротаба “Ар-Раҳмон” - 80 маротаба “Ар-Роҳим” - 213 маротаба “Аллоҳу Акбар”......

Одамларнинг намозда ажри улуғроғи

🌱🌹Расулуллоҳ соллаллоҳу алайҳи васаллам: «Одамларнинг намозда ажри улуғроғи – узоқроқдан юриб келадиганидир ва намозни имом билан ўқиш учун кутган кишининг ажри намозни ўқиб, сўнг ухлаган кишидан улуғроқдир», дедилар». Имом Бухорий ривояти....

Бандалик ҳаққи (бурчи)

Абу Айюб Ансорийдан ривоят қилинади___ Аллоҳ Расули (с.а.в.) айтдиларки___ — Бир мусулмоннинг бошқа бир мусулмон биродаридан уч кундан ортиқ гаплашмай кетиши, у билан уч кундан ортиқ араз бўлиши жоиз эмас......

Биринчилар

— Исломдаги биринчи Қибла – Байтул Мақдис. — Биринчи мусулмон шоир — Ҳассон ибн Собит Ансорий розияллоҳу анҳу. — Мадинада муҳожирлардан биринчи вафот этган инсон – Усмон ибн Мазъун розияллоҳу анҳу......

Ҳайит намози қандай ўқилади?

1. Аллоҳ ризолиги учун Рамазон ҳайити намозини ўқишга ният қилинади. 2. Имом “Аллоҳу акбар” дея такбир айтгач жамоат ҳам қўлларини кўтариб, ичида ифтитоҳ такбири (Аллоҳу акбар)ни айтади....

Фикр қўшиш