Яхшилик йўлларининг кўп ва турли-туман экани

Яхшилик йўлларининг кўп ва турли-туман экани
Яхшилик йўлларининг кўп ва турли-туман экани


Яхшилик йўлларининг кўп ва турли-туман экани

عَنْ أَبِي ذَرٍّ رَضِيَ اللَّهُ عَنْهُ قَالَ قَالَ لِيَ النَّبِيُّ صَلَّى اللَّهُ عَلَيْهِ وَسَلَّمَ: «لا تَحْقِرَنَّ مِنْ الْمَعْرُوفِ شَيْئًا وَلَوْ أَنْ تَلْقَى أَخَاكَ بِوَجْهٍ طَلْقٍ» (رواه مسلم).
Абу Зар розияллоҳу анҳудан ривоят қилинади: Расулуллоҳ соллаллоҳу алайҳи ва саллам айтдилар: «Яхшиликдан бирон нарсани ҳақир-арзимас санама, ҳатто биродарингга очиқ юз билан юзланишинг ҳам (яхшиликдир)» (Имом Муслим ривояти).

Абу Зар розияллоҳу анҳудан ривоят қилинади: Расулуллоҳ соллаллоҳу алайҳи ва саллам асҳобларидан бўлган баъзи кишилар Набий соллаллоҳу алайҳи ва салламга: «Ё Расулуллоҳ! Бой-бадавлат одамлар ажру савобларни олиб кетдилар. Улар биз намоз ўқиганимиздек намоз ўқийдилар, рўза тутганимиздек рўза тутадилар ва ортиқча мол-давлатларидан садақа қилишади», дейишди. «Аллоҳ таоло сизларга ҳам садақа қилинадиган нарсаларни бермаганми?! Ҳар бир тасбеҳ (Субҳаналлоҳ) садақа, ҳар бир такбир (Аллоҳу акбар) садақа, ҳар бир таҳлил (Ла илаҳа иллаллоҳ) садақа, яхшиликка буюриш садақа, ёмонликдан қайтариш садақа ва (жуфти ҳалолингиз билан) қовушишингиз ҳам садақа», дедилар. «Ё Расулуллоҳ! Биримиз шаҳватини қондирса, шунинг учун ҳам ажр оладими?», деб сўрашди. «Ахир у шаҳватини ҳаромда қондирганида гуноҳкор бўлармиди?! Худди шунга ўхшаш, шаҳватини ҳалолда қондиргани учун унга ажр ёзилади», дедилар (Имом Муслим ривояти).
Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам айтдилар: «Инсонлардаги жами бўғимлар учун қуёш чиқадиган ҳар бир кунда садақа (бериш бурчи) мавжуд: Икки (тортишиб қолган) киши ўртасида адолат (билан ҳукм) қилмоғинг - садақа. Бировга уловини минишида ёрдам бериб, уни чиқариб қўйишинг ёки нарсасини (ердан) олиб уловига юклаб беришинг - садақа. Яхши сўз - садақа. Намоз сари босган ҳар бир қадаминг – садақа. (Одамлар юрадиган) йўлдан (тош, тикан, чўп каби) озорларни олиб ташлашинг – садақа» (Муттафақун алайҳ).

Шарҳ:

Аллоҳ таолонинг фазлу марҳамати кенгки, яхшилик ишларни кўп ва хилма-хил қилиб қўйган. Ҳар ким улар ичидан ўзига муносиб бўлган улушни қилиб кетиши ва шу билан ажрга эришиши мумкин. Мазкур ҳадисларда улардан баъзилари келтириб ўтилди.
Аллоҳ таоло банданинг тўрт мучасини соғ қилиб қўйганига шукрона этиб бадандаги 360 бўғимнинг ҳар биридан битта садақа бериш лозим. Меҳрибон зот биздан бу садақани молларимиздан чиқаришга буюрмади. Балки тарғиб қилинган суннатларга амал қилишимиз билан мазкур садақадан қутулиб кетадиган қилиб қўйди. Жамоат намозига бориш, намоздан кейинги тасбеҳларни айтиш, амри маъруф ва наҳий мункар қилиш шулар жумласидан.

Бугунги дарсдан олинадиган фойдалар:

1. Яхшилик йўлларининг хилма-хиллиги;
2. Аллоҳнинг фазлу марҳаматининг кенглиги;
3. Қўлдан келганича яхшиликларга шошилишга тарғиб.

Фариштанинг дуоси (ўқинг фақат йиғламанг)

Уни касалхонага оғир ахволда олиб келишди. Кучли зарбалардан ички аъзолари ҳам ёрилиб кетган эди. Тезкор гуруҳ чақирилмагунга қадар бу ишни ким қилганини шифокорлар била олмади. Боланинг тепасида иззиллаб йиғлаётган она кўксига муштлар, аммо ниманидир яшираётгани кўзларидан маълум эди......

Одобдан юксак муҳаббат йўқ

«Эй инсонлар! Тадбирдек ҳаёт йўқ. Азият етка-зишдан тийилишдек тақво йўқ. Одобдан юксак муҳаббат йўқ. Тавбадек шафоат қилувчи йўқ. Илмдек ибодат йўқ. Аллоҳдан қўрқишдек салоту саловот йўқ. Сабр каби ғалаба, тавфиқ каби саодат йўқ. Ақлдан чиройлироқ зийнат, ҳилмдан меҳрибонроқ ҳамроҳ йўқ......

Ҳақ йўлда зоҳир бўлиб турадиган ва Қиёматгача давом этадиган тоифа ҳақидаги ҳадислар

Муғийра ибн Шўъба розияллоҳу анҳудан ривоят. Расулуллоҳ соллаллоҳу алайҳи ва саллам айтдилар:...

Таҳорат дуолари

Таҳорат олишдан аввал ушбу дуо ўқилади:“Аъузу биллаҳи минаш-шайтонир рожийм. Бисмиллаҳил аъзийм. Валҳамду лиллаҳи ъала дийнил Ислам”. (Улуғ Аллоҳнинг исми билан қувилган шайтоннинг ёмонлигидан Аллоҳдан паноҳ тилайман. Ислом дини учун Аллоҳга ҳамд бўлсин.)......

Муслима аёл

Муслима аёл – кулбада яшаб, Парвардигорига ибодат қилиб, беш вақт намозни ўқиб, бир ой рўзани тутган аёл дабдабали қасрда, канизаклар ичида ёнбошлаб ётган аёлдан яхшидир......

Ойна...

"...Бир неча киши Мисрга бордик. Дўконга кирдик. Бир узук ёқиб қолиб, нархини сўрадик. "1400 жунайҳ", деди. Нархини бироз тушириб беришини илтимос қилдик. "Қаерликсизлар?" – деди......

Yosin surasi fazilati

Ёсин сурасида Муҳаммад соллаллоҳу алайҳи ва саллам ҳақиқий пайғамбар эканлари, Исо алайҳиссалом томонидан Антокия шаҳрига юборилган элчилар кўрган-кечиргани, Ҳабиб Нажжор исмли киши имон йўлида жонини фидо қилиши, қуёш, ой, юлдузлар илоҳий қонуният асосида ҳаракатланиши баён этилган. Шунингдек, жаннат ва дўзах аҳлларининг қиёмат кунидаги...

Бахт сўзи

Бахт сўзи Қуръоннинг биргина жойида келган: "БАХТИЁРЛАР ЖАННАТДАДИРЛАР УНДА МАНГУ ҚОЛУВЧИЛАРДИРЛАР" (ХУД СУРЪАСИ 108-ОЯТ)...

Яратилиш мазмуни

«Эй Одам фарзанди! Сизларни аввал оз бўлиб, кейин кўпайтириш учун халқ қилмадим. Қўрқинчда Менга ҳамроҳ бўлиш учун ё ожиз бўлиб қолганимда ёрдам сўраш учун ёки манфаат ҳосил қилиш учун ёхуд зарарни даф этиш учун сизларни яратганим йўқ. Балки узоқ вақт Менга ибодат қилиб, кўп шукр келтириб, эртаю кеч Менга тасбеҳ айтишингиз учун сизларни яратдим......

Қирқ саволга қирк жавоб

1. Қуръоннинг маъноси нима? ЎҚИШ. 2. Дастлабки тушган жойи. Макка, Хиро ғори 3. Дастлабки тушган куни. Қодир туни......

Фикр қўшиш