Меҳрдан гап бошланг меҳрдан узбекча шеър
Ғийбатдан гап бошлаб ўтирмай
Яхшилик қилдим деб бўртирмай
Яхшилар кўнглини чўктирмай
Меҳрдан гап бошланг меҳрдан
Кимнидир чўлоқ деб сўзламанг
Кўзини кўр дея кўзламанг
Бир куни бир четда бўзламанг
Меҳрдан гап бошланг меҳрдан
Гунг деманг гапира олмаса
Юракмас ишқ дея ёнмаса
Кўнгиллар меҳрга қонмаса
Меҳрдан гап бошланг меҳрдан
Илгари қайтгандир қирқ йилда
Хозирчи бормайди бир кунга
Аросатда қолмай йўл кўлда
Меҳрдан гап бошланг меҳрдан
Кал деманг йўқ бўлса сочлари
Бекорга оқмаску ахир ёшлари
Силжигай тоғнинг хам тошлари
Меҳрдан гап бошланг меҳрдан.