Деганлар ҳам кетди узбекча шеър
Бир сени жонимдан севаман,
Сен учун борлиғим бераман,
Ёнаман, куяман, ўламан,
Деганлар ҳам кетиб қолди-да!
Бир сенсан осмонда юлдузим,
Қуёшсан порлаган кундузим,
Азизам тинглагин дилсўзим,
Сен учун кечгайман дунёдан,
Маишат, ишрат-у сафодан,
Юзимни бурганман зинодан,
Деганлар ҳам кетиб қолди-да!
Соғиндим, соғиндим, соғиндим,
Расминга термулиб овундим,
Қизғондим, талпиниб оғриндим,
Деганлар ҳам кетиб қолди-да!
Сен зўрсан, тенгинг йўқ жаҳонда,
Яшайсан қалбдаги маконда,
Армонда қолдирмам армонда,
Деганлар ҳам кетиб қолди-да!
Ўлим келмагунча кетмайман,
Бировлар қўлини тутмайман,
Ишонгин ўзгани севмайман,
Деганлар ҳам кетиб қолди-да!
Чиқариб бераман китобинг,
Тинглайман ҳар битта ҳитобинг,
Мен учун севганинг савобинг,
Деганлар ҳам кетиб қолди-да!
Кўп ишониб, азоблар тотиб,
Юрак қурғур жуда толди-да.
Аллоҳ учун қолгансан ёқиб,
Деганлар ҳам кетиб қолди-да!!!