СССР вақтида трендда бўлган ва бугунги кунга келиб урфдан чиққан тушунчалар рейтинги

Кечагина барчанинг орзуси бўлган маълум бир буюм бугунги кунга келиб урфдан чиққан тушунчага айланиб қолиши ҳеч гап эмас. Сўзимизнинг исботини сизга келтириб бериш учун ушбу мақолага диққат қилишни тавсия этамиз. Уни СССР даврларида яшаб кўрган одамлар жуда яхши тушунсалар керак.

Тилла тишлар
Ўз вақтида оғизни тўлдириб турган тилла тишлар одамлар учун бойлик ҳамда ҳашамат тимсоли бўлган. Аммо, ушбу тушунчани бугунги кунга келиб мутлақо урфдан қолган деб ҳам бўлмайди, аслида. Реп ижрочиларинг аксарият қисми тилла тишлар мавзусига ҳозирги вақтга қадар мурожаат қилишади.

Гарнитура
Руминия, Венгрия, Молдава гарнитуралари ўз вақтида қанчалар талабгир бўлганини эслай оласизми? Уларни бугунги кунда ҳам айрим инсонлар уйида ҳамон учратиш мумкин. Бу турдаги мебеллар хонанинг бир томонидаги деворни тўлиқ қоплаб турган, унга кўп сонли биллур идиш ҳамда китоблар териб қўйилган.
Биллур
Бугунги кунга келиб биллур буюмлар қадри анчагина тушиб кетгани бор гап. Ўз вақтида бу турдаги буюмлар аёлларнинг мақтанишга арзийдиган "бойлиги" ҳисобланган. Уларни улкан уй жиҳози ичига чиройли кўринишда териб қўйишган.
Уй телефони
Ўз вақтида қўшнилар уйингизга қўнғироқ қилиб олиш учун ташриф буюрганлари ҳақида эслай оласизми? Уй телефонлари одатда нуфузли инсонлардагина мавжуд бўларди. Бошқалар эса яқин инсонларига қўнғироқ қилиб олиш учун қўшнилар телефонидан фойдаланишган.
Мўйнали қалпоқ ва ёқа
Мўйнали қалпоқ ва либоснинг ёқа қисми ўз вақтида аёллар учун ҳашамат ҳамда бойлик тимсоли ҳисобланган. Бундай либос ҳарид қилиш барча аёлларнинг орзуси бўлган десак, асло муболаға бўлмайди.
Сервиз
СССР даврида тўй ва шу каби муҳим ҳодисалар учун меҳмонлар томонидан тақдим этиладиган энг ҳашаматли совғалардан бири сервизлар бўлган. Бу турдаги сервизлар ҳам йиллар давомида жавон ичида ясатилган ҳолатда турган ва фақатгина муҳим ҳодисалар вақтида "ташқарига чиққан".
Болалар аравачаси
Ушбу буюмни ҳарид қилиш ҳам ўша даврларнинг асосий муаммоларидан бири эди. Айримлар уни ижарага бериш пунктларидан олиб ишлатган бўлсалар, бундай бахтга муяссар бўла олмаган аёллар фарзандларини қўлда кўтариб юришга мажбур бўлишган. Болалар аравачаси маълум дўконлардагина сотилган ва уни сотиб олишга ҳам барчанинг чўнтаги дош бера олмаган.