Парҳез мобайнида вазн йўқотишга халақит қилувчи 8та хато

Қисқа вақт ичида тана вазнини камайтира олишни ваъда қилувчиларга алсо ишонманг. Чунки соғлом ва тўғри овқатланиш ёрдамида қисқа вақт ичида 5 кг ёғни йўқота олмаймиз. Тўғри, шундай парҳез турлари борки, улар тўғри танланса ва астойдил бажарилса, ҳар қандай мақсадга эришса бўлади. Қуйида парҳез ушлашдаги 8та хатони келтириб ўтамиз...

Уйқусизлик
Соат 22:00дан кейин уҳлашга одатланган бўлсангизу тўйиб уҳлай олмасангиз, буйрак усти безининг тикланиши ишдан чиқиб, жигарга юклама тушиши ортади. Натижада эса метоболизм сустлашиб, вазн ортиши келиб чиқади.
Одатда озишни мақсад қилганлар кам калорияли маҳсулотлар истеъмол қилиб, меъёрдан кам овқатланишга ҳаракат қилишади. Аммо кам ейиш билангина озиб бўлмайди. Организм ҳар кунгидан кам меъёрда калория қабул қилса, ортиқча ёғлар парчаланмайди.

Кам суюқлик ичиш
Озмоқчи экансиз, кунлик суюқлик миқдорига аҳамият беринг. Қанчалик кам суюқлик қабул қилинса, метоболизм шунчалик секинлашади.
Жисмоний машқлар
Кун давомида, майли ҳатто бир маҳал бўлса ҳам 25 дақиқадан кам шуғуллансангиз, озмайсиз! Жисмоний машқларнинг таъсири 26 дақиқадан кейин сезила бошлайди.
Таомномада оқсил камайиб кетса, ёғларнинг қайта ишлаб чиқарилиши сустлашади. Шу боис ҳам оқсил миқдорига аҳамият бериш лозим.

Ҳар куни истеъмол қилинадиган 2-4 та мева ва 100-150 гр димланган ёки пишмаган ҳолда сабзавотлар организмда инсулин миқдорини меъёрлашувига ёғ қатламини йўқотиб, тана вазнининг камайишига имкон беради.
Фақат тана вазни кўрсаткичи эмас, балки вазнни камайтириши учун билиш керак бўлган яна бир қанча кўрсаткичлар бор, булар: танадаги ёғ миқдорининг фоизи, тана вазни индекси, бел ва сон айланасининг нисбати ва ҳар кунлик калория миқдори.
Кам-камдан тез-тез тамадди қилиш
Кун давомида кам портсиядан тез-тез овқатланиш озишнинг энг осон йўли. Эрталаб уйғонгандан сўнг нонушта қилиш, кейин ҳар 2-3 соатда кам-камдан овқатланиш керак. Кечқурун соат 19:00 дан сўнг овқатланмаслик эса асосий қоидалардан бири.
Аслида мингдан зиёд парҳез турлари мавжуд. Аммо барча қоидаларга амал қилиб, топшириқларни тўғри бажарадиганлар камдан-кам топилади. Озиш учун мунтазам парҳезда бўлган яхшими? Биз учун овқатланишдаги меъёр тушунчаси овқатдан кейинги тўқлик ҳиссими ёки хоҳлаганда овқатланишми?

Аввало тана вазнини ўлчашни тўхтатиш керак. Нон маҳсулотларини ҳарид қилишда эътиборли бўлинг. Тушликда тахминан ошқозоннинг учдан бир қисми бўш қолиши кераклигини унутманг!