Индра Нуйининг муваффақият сирлари ҳақида

Индра Нуйининг муваффақият сирлари ҳақида
Индра Нуйининг муваффақият сирлари ҳақида


Бугунги кунда Индра Нуйи исми кўпчилик учун нотаниш бўлиши мумкин, аммо ПепсиCо компаниясини ҳамма жуда яхши танийди. Аслида ушбу аёл исми ва компания номи неча йиллардан буён фақатгина биргаликда қўлланиб келинади.

Индира Нуйи кўп йиллардан бери компаниянинг президенти ва иқтисодий директори лавозимида фаолият юритади. Биласизки, Америка жамиятида аёл кишининг бизнесда мувафаққиятларга эришиши камёб ҳолат. Аммо патриархал ҳинд оиласида туғилган ва шундай катта омадни қўлга киритган Индира Нуйи қисмати ушбу фикрни рад этади.
Индра Нуйи ўз фамилиясини турмушга чиққанидан сўнг қўлга киритган. 1955 йилда туғилган қизалоқнинг асл исми эса Индира Кришнамурти эди. У Ҳиндистоннинг Ченнай ҳудудида олам юзини кўрди. Қизалоқнинг отаси судя, онаси эса оддий уй бекаси бўлган. Улар қизлари ва ўғилларининг тарбиясига маъсулият билан ёндашдилар. Индира опаси Чандрика билан онасига ҳўжалик ишларида ёрдам беришар, онаси эса уларга турли мантиқий саволлар бериб чарчамас эди. Бу йиллар давомида қизалоқларда билим ва санъатга нисбатан меҳр пайдо бўлади. Бугунги кунда машҳур тадбиркорга айланган Индира Нуйи ўзининг болалик йилларида мактаб рок гуруҳида иштирок этгани ҳақида асло унутмйди. У ҳозир ҳам ана шу даврларни эслаб, рок услубида куйлаб туради ва рақсга ҳам тушади. Айтишларича, у бир сафар компания учун бир неча элекрто гитара сотиб олиб ҳамкасблари билан концерт ҳам уюштирган экан.

Қиз мактабни тамомлаб, ҳиндистон Калкутта институтининг менежмент йўналишида таҳсил олди. Ўқишдан сўнг эса унинг иш фаолияти бошланди, расмий равишда ишга жойлашишидан аввал реклама майдонларида талабалар газетасини сотиб юрди. Кейин эса Меттер Беардселл текстил компаниясида менеджер сифатида ишга қабул қилинди. Унинг энг катта иш тажрибаси эса Жоҳнсон&Жоҳнсон компаниясидаги фаолияти орқали келди. Бир куни қиз АҚШдаги Елс менеджмент мактаби ҳақидаги рекламани кўриб қолди ва АҚШ стандартлари бўйича тахсил олиш унинг навбатдаги орзусига айланди. Индра кириш имтиҳонларидан ўтди, унинг оиласи эса қизларининг қарорларини қўллаб-қувватлаш билан бирга кетиши учун пул ҳам жамлаб беришди. Ҳинд урф-одатларига кўра бундан кейин қизнинг қачон турмушга чиқиши номаълум эди. Аммо орадан кўп ўтмай у Индра билан бирга ҳаёт қуриш учун Ҳеwлетт-Паcкард компаниясидаги ишидан воз кечган Раджу Нуйига турмушга чиқди.
АҚШга келгач, қиз ҳаддан ортиқ тежамкор эканини намойиш қилди. У ўқиш билан бирга кечки сменада администратор сифатида ҳам фаолият олиб борар, бу унинг суҳбатларга тузукроқ кийим кийиб бориши учун керак эди. Пули 50 доллар бўлгач, Индра либос танлашга борди, аммо Европа либослари қизга жуда ноодатий туюлди. Сабаби, қиз бу борада ҳеч нарсани тушунмасди. Шу боис у илк суҳбатга мутлақо номутаносиб кийим ва сариқ рангли этикда кириб келди. Ўз ташқи кўринишидан уялган қиз саволларга ҳамалмойи-жалмойи қилиб жавоб берди ва суҳбатдан ўтолмади. Ўз ҳикоясини университетдаги ўқитувчиларнинг бирига ҳикоя қилиб бераркан, аёл унга европаликларга ўхшаш учун эмас, ўзлигича қолиш учун ҳаракат қилиши кераклигини айтди. Шу сабабли иккинчи суҳбатга у ҳинд сарисида борди ва ушбу синовдан муваффақиятли ўтди.
Индира ишлаш давомида жуда кўп жойларда тажриба орттирди ва бир вақтнинг ўзида Генерал Электриc ҳамда ПепсиCо компанияларидан таклиф олди. Қиз иккинчи вариантда тўхтади ва унинг стратегик ривожланиши билан шуғуллана кетди.

Компаниядаги иш давомида Индра кўплаб қийинчиликларга ҳам дуч келди. Айнан у компаниясини саломатлик учун учун зарар бўлган пепси кола ва чипслар ҳисобига ушлаб туриши мумкин эмаслигини айта олди. Унинг ҳаққоний фикрини тан олишди, аммо 2008 йилда АҚШ бўйлаб ярим аср давомида илк бор ичимликлар сотуви кўрсаткичлари тушиб кетди. Кейинчалик компания Нуйининг сўзини инобатга олиб, Тропиcана ичимликларини ишлаб чиқариш жараёнини ҳам сотиб олди. Индра бу борада инсонлар Пепсини соат 10:00 дан кейин ичишлари, унгача эса улар шарбатлар билан тетиклашиб олишлари кераклигини айтган эди.
Индра Нуйининг айтишича, унинг муваффақият сири ўз ишига бўлган муҳаббатида. Бу унга тинчлантирувчи роҳат бахш этади, индра Нуйи сайёрамизнинг энг обрўли тадбиркор аёлларидан саналади. У шахсий бизнес билан оилавий бахтни бир нуқтада бирлаштира олган инсондир. Айтишларича, у ҳаддан ташқари романтик шахс, у билан суҳбатлаша туриб, турли романтик ва кутилмаган воқеаларни тинглашга тайёр туриш лозим.

Бундан ташқари, Нуйи хоним учун юлдузлик касали мутлақо бегона. Суҳбатларнинг бирида у газли ичимликни диван устига тўкиб юборади ва уни артиш учун салфеткани шахсан ўзи туриб олиб келади.
Индра Нуйининг спорт билан мунтазам равишда шуғулланиб келиши ҳам рост. Уни Ню ёркдаги ҳайрия марафонларидан бирида иштирок этишга ҳам таклиф қилганлар. У бейсбол командалари ўйинларини мунтазам равишда кузатиб келади ва спортга бўлган қизиқишини ҳеч кимдан яширмайди.

Индра ҳонимнинг сиёсатга бўлган қизиқиши ҳақида ҳам турли гап-сўзлар мавжуд. Кунларнинг бирида у Жон Керрининг фонди томонидан қўллаб-қувватланган ва 27 минг доллар пул тикилган кичик сайловда ҳам қатнашган.
Керри сайловларда ғолиб чиқа олмаган бўлса-да, экспертлар Индра ҳонимдан ажойиб сиёсатчи чиқиши мумкинлигини таъкидлаганлар. Кўпчилик эса аёлнинг давлат амалдори лавозимидан иш бошлашини тахмин қилади. Ушбу миш-мишларни Нуйининг ўзи ҳам тасдиқлаган ҳолда Вашингтонда 4-5 соат бепул ишлаш нияти борлиги ҳақида айтиб ўтган.

Буюклар буюк бўлиб туғилмайдилар. Кучли матонат, сабр-бардош тушунчалари уларни аста секин буюклик томон етаклаб боради. Юқорида келтирганларимиз ҳам айнан шундай ҳодисаларнинг бири эди. Агар ҳар бир инсоннинг қўлидан буюк бўлиш келмаганида оддийгина ҳинд оиласида туғилган қизалоқ кун келиб дунё тан олган компаниянинг бирида раҳбарлик курсисига ўтирмаган бўларди.

СССР вақтида трендда бўлган ва бугунги кунга келиб урфдан чиққан тушунчалар рейтинги

Кечагина барчанинг орзуси бўлган маълум бир буюм бугунги кунга келиб урфдан чиққан тушунчага айланиб қолиши ҳеч гап эмас. Сўзимизнинг исботини сизга келтириб бериш учун ушбу мақолага диққат қилишни тавсия этамиз. Уни СССР даврларида яшаб кўрган одамлар жуда яхши тушунсалар керак......

Киви мевасининг таркиби, келиб чиқиш тарихи ва номланиши ҳақидаги маълумотлар

Бугунги кунда бозор расталарини тўлдириб турувчи киви мевасининг ватани, келиб чиқиши кўпчилликка қизиқ бўлса керак. Қуйидаги мақоламиз орқали таъми бироз дувучани эслатадиган киви ҳақида ўзингиз учун қизиқарли маълумотларни оласиз, деган умиддамиз......

Мадрид кўчаларидаги ноодатий пиёдалар ўтиш йўлакчалари

...

Закот беришга қодир инсонлар

Закот беришга қодир инсонлар закот ва садақотларини энг аввало ушбу кўрсатилган кишиларга беришдан бошлашлари керак. Улардан «диллари ошно қилинувчилар» мансух  этилган. Яъни, Ислом аввалида закот ва вожиб садақаларни кофирларга ҳам берилар эди, бу билан уларнинг дилларини Исломга мойил қилиш мақсад қилинар эди. Кейинроқ, Ислом ривож топгандан...

ДУСТЛИКНИНГ 30 ТА ХАККИ.

ДУСТЛИКНИНГ 30 ТА ХАККИ. 1. Янглишса кечиради; 2. Куз ёшига рахм килади, 3. Сирини яширади. 4. Узрини кабул килади....

Тушда тухум курса нимани билдиради

Тушда тухум шахсий учрашувга, кимнидур кутилмаганда пайдо бўлиши. Агар сиз кўпгина тухум кўрсангиз, яхши белгимас. Ишдаги кўнгилсизлик, бу эса сизни роса чарчатади....

Турк сериалларининг юлдузлари: Туркиядаги энг машҳур чехралар

Туркия қизиқарли ва юқори сифатли сериаллар билан машҳурдир. Муваффақиятли роллар туфайли истеъдодли актёрлар мамлакат ташқарисида ҳам таниқли бўлдилар. Ҳар йили экранда янги филмлар пайдо бўлади, уларнинг кўпи юқори рейтинг ва касса билан ажралиб туради......

Улуғбекнинг ғойиб бўлган кутубхонаси ёҳуд Шарқнинг ечими топилмаган жумбоғи

Кутубхоналар қадимда антик давр маданиятининг бутун илмини ўзида мужассам этган манба ҳисобланган. Уни донишмандлик хазинаси, фикрлар макони дея таърифлашар эди. Қадимда кутубхоналар кўп бўлган, бироқ уларнинг кўпчилиги душманлар томонидан йўқ қилинган, баъзаилари эса шунчалик моҳирлик билан беркитиб қўйилган-ки, ҳали-ҳануз топиб бўлмайди....

Машҳурларнинг биринчи ишлаган жойини ҳушламайдиган иш жойи

Таниқли одамларнинг фарзандлари мақсадларига осонроқ эришиши айни ҳақиқат. Таниқли шахсларнинг аксарияти кучли ва истеъдодли одамлар бўлиб, улар пастдан юқорига қараб кўтарилганлар. Улар тирикчилик қилишдан бошқа танловга эга эмас эдилар. Кимдир ўзининг илк меҳнатини мағрурлик билан эсласа, бошқалари эса ҳатто ушбу маълумот ҳақида сўзлашни...

Жазирама кунларда қандай кийиниш керак: Стилистлардан 4 тавсия

Ёз мавсумининг иссиқ кунларида чиройли, замонавий ва қулай образ яратиш учун қандай либослар ҳарид қилиш лозим? Бу борада айнан қайси деталлар муҳим ва ўринли ҳисобланади? Ушбу саволларга жавоб олишни истасангиз қуйидаги кичик масалаҳатларимиз билан танишиб чиқинг....

Фикр қўшиш