Quloq soling doʻstlar shu safar

Quloq soling doʻstlar shu safar,
Unutilsin bari dard, azob.
Shukr deylik, turib tong sahar,
Yaxshilikka yozilar savob.

Puli yoʻqni nazarga ilmay,
Davramizga qoʻshmadikmi yo?
Yana kimni ranjitdik bilmay,
Deydilar-ku bu qaytar Dunyo!

Kimlarnidir gʻiybat qilibon,
Gunoh qilib qoʻymadikmikan?
Kechirmasa gar oʻsha inson,
Allohim ham kechirmas ekan?

Ezgulikni barpo etaylik,
Yomonlikni yuqtirmay dilga.
Yaxshi inson boʻlib ketaylik,
Bu dunyodan soʻnggi manzilga.