Siz Allohdan soʻrashni biling

Ey yaqinim sizdan iltimos,
Gʻiybatimni sal kamroq qiling.
Chetga surib gʻarazni biroz,
Siz Allohdan soʻrashni biling,

Kuymang shu oz topganlarimga,
Xasad. emas, xavasda qoling.
Davlat vafo qilibdi kimga,
Siz Allohdan soʻrashni biling,

Chin doʻst deya siz meni emas,
Yaratganni avval tan oling,
Banda bersa axir qush toʻymas
Siz Allohdan soʻrashni biling,

Suxbatimga mushtoq boʻlsangiz,
Mayli kunda mexmonim boʻling.
Obruyimni xavas qilsangiz,
Siz Hudodan soʻrashni biling.

Berguvchiyu olguvchi Alloh,
Berganiga shukrlar qiling.
Boridan xam etmasdan judo,
Siz Allohdan soʻrashni biling,