Туни билан ёққан ёмғирлар севги хакида шеър

Туни билан ёққан ёмғирлар
Ювиб ўтди тонглар юзини.
Мен изладим
ўзим учун сир
Бўлган бахтнинг ёруғ изини...

Келдими деб сендан хабарлар, 
Эшикларни неча бор очдим.
Дайди шамол бебош боладай
Деразамни синдириб қочди! 

Туни билан қийналди юрак
Ета олмай нур йўлларига.
Исминг қўнди капалак каби
Гоҳ тушимга, 
гоҳ қўлларимга...

Сен келмадинг, 
бироқ бу гал ҳам...
Мен куннинг қон юзига боқиб -
Ғижимланиб отилган хатдай
Юрагимни юбордим ёқиб!..

...Туни билан ёмғирлар ёғди...