Sichqon muchali haqida

Sichqon 1912 1924 1936 1948 1960 1972 1984 1996 2008 SICHQON YILI. Ushbu muchalda tugʻilganlar tashqi qiyofasidan yoqimli, jozibador, sobitqadam, mehnatsevardirlar. Bir qarashda xotirjam va bosiq koʻrinsalar-da, unga ishonmaslik kerak. Chunki ular asabiyligi-u tajovuzkorliklarini yashirib turishadi. Bu yilda tugʻilanlar tejamkor, boylik yigʻishga ixlosmanddir. Oʻzlari yoqtirgan odamlargagina qoʻllari ochiq. Chaqma-chaqarlikni xush koʻrishadi, fisqu-fujurdan hazar qilishmaydi, shu bois haqiqiy doʻstlaridan koʻra tanish-bilishlari koʻp. Hech qachon hech kimga ishonishmaydi, gʻam-tashvishlarini tanholikda oʻzlari tortadilar. Ular kelajaklaridan tashvishlanib, keksayganda birovga qaram boʻlmaslik uchun, tejab-tergashni hamisha orzu qilishadi. Jismoniy ishlardan koʻra aqliy mehnat bilan bogʻliq ishlarni bajonudil bajarishadi. Baxtga qarshi yiqqan pullarini orqa- oldiga qaramay shu zaxotiyoq sarf qilishadi. Ular keksayganda tinch hayot kechirishadi.