Мухаббат севги хакида шеър
Сен чиройли изҳор айтардинг,
Мен чиройли уялар эдим.
Сен мардликдан топгандинг камол,
Мен ҳаёдан улғаяр эдим.
Термулардинг менга авайлаб,
Нигоҳларинг сувдай пок эди.
Одамларнинг қалби қип-қизил,
Бизнинг юрак кўкдай кўк эди.
Ҳамма айтса, сизни севдим деб,
Сен айтардинг: саломатмисиз?
Мен ҳам суйдим дейиш ўрнига,
Кашф этардим янги-янги сўз.
Соғиндим деб айтмасдинг сира,
Суйдим десам бўларди уят.
Биз ҳеч қачон севдим демасдан,
Яратгандик улкан муҳаббат.