Muxabbat

Sen chiroyli izhor aytarding,
Men chiroyli uyalar edim.
Sen mardlikdan topganding kamol,
Men hayodan ulgʻayar edim.

Termularding menga avaylab,
Nigohlaring suvday pok edi.
Odamlarning qalbi qip-qizil,
Bizning yurak koʻkday koʻk edi.

Hamma aytsa, sizni sevdim deb,
Sen aytarding: salomatmisiz?
Men ham suydim deyish oʻrniga,
Kashf etardim yangi-yangi soʻz.

Sogʻindim deb aytmasding sira,
Suydim desam boʻlardi uyat.
Biz hech qachon sevdim demasdan,
Yaratgandik ulkan muhabbat.